Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

495 mijë nxënës nisin sot vitin e ri shkollor, policia shton efektivët

Politiko 11 Shtator 2017, 08:15
495 mijë nxënës nisin sot vitin e ri shkollor, policia shton

Rreth 495 mijë nxënës në të gjithë Shqipërinë nisin sot vitin e ri shkollor 2017-2018. Nga ky numër total, rreth 33 mijë të vegjël janë ulur për herë të parë në bankat e shkollës.

Sipas Udhëzimi të Ministrisë së Arsimit, shkolla fillon në 11 shtator dhe përfundon në 2 qershor 2018 për arsimin fillor, dhe 14 qershor për shkollat e mesme.

Ndërkohë një ditë përpara fillimit të shkollës, Drejtori i Përgjithshëm i Policisë së Shtetit, Haki Çako ka firmosur një urdhër të detajuar për masat e posaçme me qëllim marrjen e masave për garantimin e rendit dhe sigurisë publike, parandalimin e ngjarjeve të rënda kriminale, të aksidenteve rrugore në shkolla dhe përreth tyre.

Policia do të shkëmbejë informacione me stafin pedagogjik për nxënësit që mund të mbajnë me vete armë zjarri, armë të ftohta apo sende të tjera të forta të rrezikshme dhe mbi bazën e tyre zhvillimin e kontrolleve në portat e hyrjes nga personeli roje i shkollës, në prani të mësuesve dhe nën mbikëqyrjen e punonjësit të policisë.

Gjithashtu do të mbyllen lokalet e tregtisë dhe pikave ambulante të shitjes që tregtojnë pije alkoolike, produkte ushqimore të skaduara apo në ndonjë rast dhe lëndë narkotike pranë shkollave, të cilat jo rrallë herë janë pika të grumbullimit të personave me precedent kriminal.

Po ashtu ditën e sotme është shtuar numri i policëve rrugorë për të lehtësuar trafikun e dendur.

 

Të fundit