Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

59 viktima në total dhe numër i lartë të prekurish me Covid-19 në Shqipëri, intubohet mjeku i QSUT; Meta: Duhet strategji konkrete, jo sporadike

Politiko 29 Qershor 2020, 10:35

59 viktima në total dhe numër i lartë të prekurish me

Tre persona të prekur me covid-19 kanë humbur jetën në spitalin infektiv, ndërsa 64 raste të reja janë konfirmuar në 24 orët e fundit në Shqipëri.

Ministria e Shëndetësisë sqarpon po ashtu se vijon të ketë shtrime në spitalin infektiv ku aktualisht po trajtohen 84 pacientë, 11 prej tyre janë në terapi intensive, ndërsa 2 janë të intubuar.

"Në 24 orët e fundit, referuar shërbimit infektiv, një paciente 78 vjeçare nga Tirana, e transferuar nga një spital jopublik, ka ndërruar jetë në spitalin infektiv, megjithë trajtimin intensiv në reanimacion dhe një pacient 83 vjeçar nga Durrësi, në terapi intensive, i cili vuante nga hipertensioni. Ndërkaq, viktima e trete është një 69-vjeçar nga Shkodra, i cili trajtohej prej 10 ditësh në infektiv dhe po ashtu vuante nga hipertensioni.

Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve.

Vijon të ketë shtrime në spitalin infektiv ku aktualisht po trajtohen 84 pacientë, 11 prej tyre janë në terapi intensive, ndërsa 2 janë të intubuar.

Pavarësisht rasteve ditore të identifikuara pozitivë, lajmi i mirë është se në 24 orët e fundit janë shëruar 54 qytetarë, duke e çuar në 1438 numrin e të shëruarve që nga fillimi i epidemisë.

Ndërkohë kanë vijuar testimet në Laboratorin e Virologjisë në ISHP dhe gjatë 24 orëve të fundit janë kryer 371 testime për të dyshuar të prekur me Covid19, nga të cilat janë konfirmuar 64 raste pozitive.

Shpërndarja gjeografike e rasteve është si vijon: 15 raste në Tiranë, 13 në Krujë, 11 në Shkodër, 7 në Durrës, 4 në Lezhë, nga 3 raste në Kukës, Pukë, 2 në Kurbin, dhe nga 1 rast përkatësisht në Korçë, Elbasan, Vlorë, Berat, Mat, Pogradec.

Në vendin tonë aktualisht janë 970 persona aktivë me COVID19, kryesisht në Tiranë, Shkodër, Durrës", tha Dr. Eugena Tomini nga Instituti i Shëndetit Publik.

Ndërkohë, mes të infektuarve dhe personave me gjendje të rënduar shëndetësore është edhe një mjek i QSUT-së.

Mësohet se mjeku me inicialet A.P. 57 vjeç, i cili shërbente në repartin e hematologjisë (sëmundjet e gjakut) pati probleme të theksuara shëndetësore pasi u infektua me covid-19 dhe për pasojë aktualisht ka hyrë në intubim në spitalin Infektiv, pas disa ditësh i shtruar.

Thirrja e Metës: Duhet strategji konkrete, jo sporadike dhe mediatike

Presidenti Ilir Meta ka apeluar sot instancat shtetërore se nevojitet një strategji konkrete afatgjatë, jo sporadike dhe mediatike, për përballimin dhe vënien nën kontroll të përhapjes së virusit covid-19, pas rritjes alarmante të rasteve të infeksionit, por edhe humbjet e jetëve në tri javët e fundit.

Meta thekson se është i domosdoshëm një komunikim edhe më intensiv me vendet e rajonit dhe ato të BE, si dhe me OBSH, për të harmonizuar veprimet dhe shkëmbyer informacionin në kohë reale për orientimin e një strategjie që lejon daljen sa më të sigurtë dhe të shpejtë nga pandemia.