Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

67% e shqiptarëve informohen nga portalet, a është kjo arsyeja pse Rama kërkon të miratojë paketën anti-shpifje

Politiko 19 Tetor 2018, 22:12
67% e shqiptarëve informohen nga portalet, a është kjo arsyeja

Prej disa ditësh, kryeministri Edi Rama, ka paralajmëruar miratimin e një pakete të cilën e ka pagëzuar me emrin ‘paketa antishpifje’. Kryeministri nuk ka dhënë shumë detaje se i takon ndëshkimeve që do të parashikohen por është shprehur se paketa nuk do të jetë pjesë e Kodit Penal.

Ideja e kryeministrit për këtë nisëm erdhi në momentin kur e gjithë vëmendja e mediave dhe opinionit publik ishte përqëndruar tek video përgjimet e ashtuquajtur ‘Babales’ dhe ‘Alizotit’.

Mos dhënia e detajeve nga ana e mazhorancës për këtë nisëm ka krijuar aludime ndërkohë që ajo është cilësuar si një tentativë për të kontrolluar mediat dhe kryesisht ato on line.

Duket se propozimi i kryeministrit ka ardhur pas ndikimit të madh që kanë krijuar portalet në opinionin publik dhe pafuqia e mzhorancës për t’i kontrolluar ato.

Politiko.al ka mësuar se sipas një sondazhi të zhvilluar ditët e fundit, për të cilin janë në dijeni edhe përfaqësuesit e zyrës së shtypit të kryeministrit, rezulton se rreth 67% e shqiptarëve informohen përmes mediave on-line.

Dhe duket se këto shifra e kanë shtyrë mazhorancën të gjejë një rrugë për t’i vënë fre mediave në fjalë. Dhe me gjasë në vazhdën e kësaj ishte edhe nisma e ndërmarra nga AKEP për të ‘detyruar’ portalet të regjistrohen pranë QKB-së për të vijuar më pas me miratimin e paketës anti-shpifje./Politiko.al

 

Të fundit