Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

746 vite burg për 'Grupin e Kumanovës', shqiptari i dënuar jep mesazhin emocionues

Politiko 4 Nëntor 2017, 09:10
746 vite burg për 'Grupin e Kumanovës', shqiptari i

Një nga të dënuarit e Grupit të Kumanovës, Mirsad Qerimi ka dhënë një mesazh për popullin shqiptar pas dënimit me 20 vite burg nga gjykata maqedone. Qerimi me anë të një mesazhi ka thënë se ata janë edhe më të fortë ndërsa ka bërë thirrje që shqiptarët ta duan njëri tjetrin, shkruan Indeksonline.

“Popull i dashur, thjesht jeni të mrekullueshëm. Ju dua për jetë! Faleminderit të gjithëve për përkrahjen tuaj. Ne jemi ende më të fortë, sidomos atëherë kur jemi te bashkuar. Vazhdoni kështu ta doni njëri-tjetrin. I popullit përherë , unë Mirsad Qerimi”, shkruan i dënuari shqiptar në letrën e tij.

Kujtojmë që 7 pjesëtarëve të ashtuquajturit ‘Grupi i Kumanovës’ iu është caktuar burg i përjetshëm nga gjykata maqedonase, ndërsa të arrestuarit e tjerë janë dënuar gjithsej me 746 vite burg. Vetëm katër persona janë shpallur të pafajshëm.

Dënimet:

  • Andi Krasniqi, burg i përjetshëm

  • Dem Shehu burg i përjetshëm

  • Fadil Fejzullahu, burg i përjetshëm

  • Nasuf Zeqiri, burg i përjetshëm

  • Valdet Zekaj, burg i përjetshëm

  • Bek Bajra, burg i përjetshëm

  • Fejzulla Rushitovski, burg i perjetshëm

  • Qenan Hiseini 20 vjet

  • Irfan Lutfiu 14 vjet

  • Fadil Elshani 20 vjet

  • Esat Kafegjolli 40 vjet

  • Adrian Bujari 40 vjet

  • Shefqet Hallaqi 40 vjet

  • Lirim Demiri 20 vjet

  • Hajrush Abdija 20 vjet

  • Betim Kabashi 40 vjet

  • Genti Sefaj 40 vjet

  • Lendrit Rustemaj 20 vjet

  • Enver Hoxha-Klajn 40

  • Rufki Dogani 40 vjet

  • Mirsad Qerimi 20 vjet

  • Bajram Elshani 40 vjet

  • Nexhmedin Lika 40 vjet

  • Lirim Krasniqi 40 vjet

  • Sevdail Miftari 40 vjet

  • Fatmir Recica 40 vjet

  • Arsim Bajrami 13 vjet

  • Musa Pajaziti 12 vjet

  • Ragmi Latifi 18 vjet

  • Seadudin Abdullahu 14 vjet

  • Elham Arifi 13 vjet

  • Ebib Alimi 12 vjet

Të liruarit janë Ibrahim Murtezani, Besnik Bajrami, Fazli Osmani dhe Besnik Ajdini. Vetëm 4 persona morën pjesë në seancë, ndërsa të tjerët kanë kënduar himnin kombëtar shqiptar dhe këngën ‘besa besë’, duke theksuar se ky vendim vendos edhe për fatin e Maqedonisë. Ata u përjashtuan nga salla me vendim të trupit gjykues.

Ngjarja:

Më 9 maj të 2015-ës, gjatë përleshjes së policisë me grupin e armatosur në “Lagjen e Trimave’ në Kumanovë të Maqedonisë, humbën jetën tetë efektivë dhe dhjetë anëtarë të grupit. 37 persona të tjerë mbetën të plagosur.

Asnjëherë nuk u bë i qartë qëllimi i këtij grupi të armatosur, megjithatë partitë politike shqiptare në Maqedoni hodhën poshtë pretendimet se personat e armatosur kishin mbështetjen e tyre apo të komunitetit shqiptar. Disa nga anëtarët e këtij grupi bënë thirrje për ndarjen e Maqedonisë.

 

Të fundit