Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

9 ide brilante (të Inës) për të kaluar kohën në aeroporte

Politiko 1 Janar 2020, 08:30

nga Ina XHANI

Nëse udhëtimet ndërkombëtare janë pjesë e planeve tuaja për këtë vit, gjasat janë që keni për të shpenzuar disa orë të mira në aeroport, ose duke pritur fluturimin ndërlidhës ose për shkak të anulimeve. Pavarësisht arsyes se përse duhet të presësh disa orë në aeroport, mirë është që të kesh diçka për të shtyrë kohën (që të mos të të iki mendja nga mërzia). Këto 9 këshilla do iu ndihmojnë që kjo të mos ndodhë:

Porosit gjënë më të lirë (ose më të shtrenjtë...kush po pyet) nga menuja e çdo restauranti në aeroport. Veç një jetë kemi. Dhe mos harro ta hedhësh në Insta dhe Snapchat. Momente te tilla janë bërë për t’u përjetësuar në median sociale!!!!

Bli

Ose bëj sikur do blesh. Çmimet në dyqanet duty-free janë shumë të kripura, por kjo s’do të thotë që ti s’mund të bësh sikur je shumë e interesuar për atë shallin veror që kushton veç $9485304035737503.

E mira e aeroporteve është se aty porositja e pijeve alkoolike asnjëherë nuk shihet shtrembër. Aeroportet janë gjithmonë në happy hour (përndryshe si do mbijetonim në ora 8 të mëngjesit?). Porosite atë 'Françeskanen' pa pikë turpi. E ku ka më mirë se Spumantia speciale e atij barit në cepin më të vetmuar të aeroportit!

Organizo aplikacionet në celular

Prej kohësh e ke pasur në plan që aplikacionet në celular t’i organizosh sipas alfabetit. Ky është rasti për ta bërë.

Telefonoi mamit

Ajo gjithmonë ankohet se ti kurrë nuk e merr ne telefon, megjithëse mund ta kesh folur me të një ditë më parë. Teksa pret përfaqësuesen e linjës ajrore të thërrasë numrin e fluturimit tënd, përse të mos të marrësh në telefon atë që të ka bërë kokën? Madje, nëse ke kohë, merre çdo një orë dhe fol për 30 min. Kompenso për telefonatat që do harrosh të bësh në të ardhmen.

Shënim: Nëse të duhet të kalosh natën në aeroport, ky është rasti më i mirë për të sqaruar gjërat me ishin. Orari më i përshtatshëm: 2-4 të mëngjesit.

Luaj lojëra

Gjej një cep bosh dhe fillo luaj lojërat e fëmijërisë. Bëhu i/e guximshme dhe luaj me peta me celularin tënd. Përdore karikuesin e laptopit për të luajtur me litarë.

Kërce me një flashmob

Rijeto vitet dhjetë me gjënë më hot të kësaj dekade: flashmob Gagnam Style!!! Kjo është më e lehtë nëse udhëton në grup, por me pak guxim dhe shumë vendosmëri ti mund t’ia dalësh. Kështuqë fillo punën, mblidh grupin tënd të ri të kërcimit (gjithashtu të njohur si ‘bashkëvuajtësit e tu’) dhe gagnam style drejt 2020.

Përditëso CV-në

Kjo është koha perfekte për të përditësuar pasqyrën e karrierës tënde me aftësitë e reja që ke fituar gjatë pritjes në aeroporte, si durimi dhe aftësia për të menaxhuar grupe të mëdha kërcimtarësh.

Vrapo...