Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A do nisë Fatmir Xhafaj hakmarrjen pas burgosjes së Agronit? Përgjigjet ministri: Nga familja kam një porosi...

Politiko 16 Maj 2018, 19:40
A do nisë Fatmir Xhafaj hakmarrjen pas burgosjes së Agronit?

Që prej mëngjesit të sotëm, disa analistë dhe gazetarë kanë paralajmëruar hakmarrje të ministrit të Brendshëm, Fatmir Xhafaj, ndaj kundërshtarëve politikë, pas dorëzimit të vëllait të tij në drejtësinë italiane.

Por vetë ministri Xhafaj ka kërkuar të shuajë këto zëra që flasin për hakmarrje dhe këtë e bëri në konferencën e dhënë këtë pasdite për gazetarët. Xhafaj theksoi se nuk ka ndërmend të merret me familjarët e atyre që e kanë sulmuar këto ditë, ndonëse ka shumë për thënë dhe për të bërë në këtë aspekt.

Ai citoi edhe një shprehje që e ka mësuar në familje: Mos i bëj tjetrit atë që nuk do të donin të bënin ty.

“Dëshiroj t’ju them miqve të mi që më kanë shkruar këto ditë me shumë dashamirësi. Miq të mi, mos prisni të merrem me bashkëshortet, djalin, vajzën, motrat, vëllezërit, baxhanakun dhe kunatin e disa prej këtyre të pacipëve që më kanë sulmuar këto ditë, paçka se ka shumë për të thënë dhe bërë ndaj tyre në këtë aspekt. Do ju zhgënjej për këtë gjë, nuk mund ta bëj. Nuk e kam bërë në asnjë ditë që jam në politikë dhe as kam ndërmend ta bëj. Nga familja ime kam një porosi edhe pse nuk janë ata të parët që e kanë thënë, por janë të parët që në fëmijëri mua ma kanë thënë: Mos i bëj tjetrit atë që nuk do të donin të bënin ty. E di shumë mirë që kjo ka vlerë për njerëzit normal të kësaj bote, për njerëzit që kanë cipë dhe përgjegjshmëri kur flasin”, deklaroi ministri i Brendshëm.

Agron Xhafaj, vëllai i ministrit, raportohet të jetë nisur drejt Italisë, por ende nuk ka informacione nëse është arrestuar nga policia italiane për të vuajtur dënimin e tij me 7 vite e 2 muaj burg si pjesëmarrës në trafikun e drogës.

Çfarë ka ndryshuar në 2018-ën nga Xhafaj i 2002-shit? Ministri: Nuk e kam menduar në asnjë rast dorëheqjen

Xhafaj: Audio përgjimi është mashtrim, vëllai im nuk është i përfshirë në aktivitet kriminal në Shqipëri

Të fundit