Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A do shtrihen hetimet për Tiranë-Elbasan deri te 'peshqit e mëdhenj'? Deputetët e PS i dhanë Xhikës 35 mln dollarë kur ishte nën akuzë

Politiko 2 Shkurt 2018, 12:22
A do shtrihen hetimet për Tiranë-Elbasan deri te 'peshqit e

Që prej mbrëmjes së djeshme ka rënë në prangat e policisë ish-drejtori i Autoritetit Rrugor Shqiptar, Dashamir Xhika, i cili akuzohet se ka abuzuar me një fond prej 5 miliardë lekësh, i dhënë për ndërtimin e rrugës Gjinar-Elbasan, e cila nuk u ndërtua kurrë.

Deri më tani, askush nga opozita dhe mazhoranca nuk ka reaguar për këtë çështje, e cila po trajtohet politikisht sikur të jetë përgjegjësi vetëm e një drejtori.

Në fakt, për autostradën Tiranë-Elbasan që vijon të ushqëhet pambarimisht me shuma të mëdha nga taksat e qytetarëve, nuk kanë munguar akuzat politike. Megjithatë, nuk është konfirmuar nëse hetimet që po zhvillohen ndaj Xhikës do të shtrihen deri në nivel ish-ministrash.

Xhika ishte vendosur në atë pozicion si propozim i LSI-së, ndërkohë që ministrat e Transportit përgjatë mandatit 2013-2017, kanë qenë gjithashtu pjesë e të njëjtës parti, Edmond Haxhinasto dhe Sokol Dervishaj (por ky i fundit vetëm për pak muaj).

Një tjetër fakt interesant është se deputetët e Partisë Socialiste në Komisionin e Ligjeve, në prill të 2017-ës, miratuan një tjetër shtesë për autostradën, në shifrën e 30 milionë dollarëve. Pandeli Majko, Tom Doshi, Ulsi Manja apo Bashkim Fino shprehen rezerva për këtë shtesë të kërkuar nga Ministria dhe ish-drejtori Xhika, megjithatë e miratuan kërkesën e tyre.

Kjo shtesë u dha në një kohë kur Kontrolli i Lartë i Shtetit kishte më shumë se një vit që kishte kërkuar shkarkimin e Dashamir Xhikës për një dëm më shumë se 4.5 milionë euro dhe kishte bërë kallëzim penal ndaj tij. Deputetët e PS e kishin këtë informacion dhe jo vetëm që nuk bënë thirrje për shkarkimin e Xhikës, por përkundrazi i dhanë atij 35 milionë dollarë të tjera. 

Të fundit