Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A e ka ndihmuar Tahiri PD-në me të dhëna sekrete për Agron Xhafajn? Alibeaj konfirmon për herë të parë: Saimiri di shumë

Politiko 27 Qershor 2018, 10:56
A e ka ndihmuar Tahiri PD-në me të dhëna sekrete për Agron

“Armiku i armikut tim është miku im”. Me këtë shprehje është aluduar prej kohësh në mediat sociale dhe portale se ish-ministri i Brendshëm Saimir Tahiri mund të ketë ndihmuar me informacione sekrete Partinë Demokratike për të goditur ministrin aktual të Punëve të Brendshme, Fatmir Xhafaj.

Disa javë më parë, PD publikoi një audio-përgjim në të cilën sipas opozitës ishte Agron Geron Xhafaj, vëllai i ministrit duke biseduar për transportimin e një ngarkese droge drejt Italisë me ‘bashkëpunëtorin X”, i identifikuar më pas si Albert Veliu, i njohur më pas si “Babalja”.

Deputeti i PD, Enkelejd Alibeja i ftuar në emisionin e mëngjesit në “News 24” ka sqaruar një herë e mirë duke folur për herë të parë lidhur me këtë pyetje, pra nëse Tahiri kishte ndihmuar opozitën me të dhëna kundër vëllait të ministrit.

Deputeti demokrat hodhi poshtë në mënyrë kategorike mundësinë që PD është ndihmuar nga ish-ministri i tërhequr edhe nga parlamenti shqiptar.

“Jo, jo. Nuk qëndron aspak, kjo është një teori shumë konspirative. Mund të them se Tahiri ka shumë për Xhafajn dhe Ramën, ka shumë besoj”, u shpreh deputeti i PD.

Kujtojmë se ditën kur Tahiri dorëzoi mandatin e tij si deputet, nuk kurseu kritikat ndaj Ramës dhe pasardhësit të tij, Fatmir Xhafaj.

Të fundit