Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A është gati Shqipëria për skenarin më të keq të koronavirusit? Kreu i OBSH: Asnjë shtet nuk është gati

Politiko 10 Mars 2020, 21:56
A është gati Shqipëria për skenarin më të keq

Përfaqësuesi i OBSH në Shqipëri, Raul Gonzales Montero foli rreth masave të marra nga qeveria lidhur me parandalimin e koronavirusit. Në një intervistë për “Real Story” në News 24, se masat e marra nga Shqipëria janë në përputhje me rekomandimet e OBSH.

“Masat që ka marrë qeveria janë në përputhje me rekomandimet e OBSH. Masat janë marrë në kohën e duhur. Ne rekomandojmë gjëra shumë të qarta. Theksojmë se duhet të kufizohet burimi i kontaktit, duhet të lajmë duart, të shmangim grumbullimet masive të njerëzve. Këto instruksione janë dhënë që në fillim”, u shpreh Gonzales. Por a jemi në kohë për të parandaluar koronavirusin? Raul Gonzales u shpreh se tani është koha e duhur për marrjen e masave. Sipas tij nevoja e masave duhet të jetë në ekuilibër me kapacitetet e vendit ecjen para të ekonomisë.

“A mund të ishin marrë më para këto masa, a duheshin bërë më herët? Ne nuk mund të hedhim hapa në mënyrë të verbër. Tani ishte momenti për këto masa por nuk mund ta bllokojmë një vend. Nevoja e masave duhet të ekuilibrohet me kapacitetet e vendit dhe ecjen para të ekonomisë. Në qoftë se njerëzit mbeten pa punë nuk kanë para për ushqimet e për të paguar faturat”, deklaroi Gonzales.

Duke folur për skenarët e koronavirusit dhe nëse Shqipëria është gati të përballet me seknarin më të keq, Gonzales u shpre se asnjë vend nuk është i gatshëm të përballet me skenarin më të keq. Sipas tij asnjë sistem në botë që mund të përballet me rastin më ekstrem të një virusi.

Gonzales gjithashtu pohoi faktin se vendet nuk duhet të mbyllin kufijtë, pasi sipas tij kjo nuk është zgjidhje. “Ne kemi dhënë rekomandime të qarta. Iu kemi dhënë këshilla shteteve të mos mbyllin kufijtë. Vendet janë të pavarura dhe të marrin vendimet e tyre. Mbyllja e kufijve nuk është zgjidhje. Ka vende që e kanë bërë e s’ka pasur rezultat. Kur e ke infeksionin ai ngelet në vend dhe do përhapet. Mbyllja e vendeve, anulimi i fluturimeve nuk jep rezultat. Itali i ka bërë dhe këto masa mund të jenë të përshtatshme tani”, u shpreh kreu i OBSH në Shqipëri.

Të fundit