Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Absurde, ne kemi kryeministrin piktor dhe Galeria Kombëtare e Arteve është lënë në harresë...

Politiko 4 Korrik 2017, 08:42

Shtohet zërat kundër ministres Kumbaro dhe politikave inegzistente kulturore. Piktori Arben Shira pohon se dyert e institucioneve janë të mbyllura kur bëhet fjalë për artistët, që zhvillojnë aktivitetin jashtë dhe duan të prezantojnë veprat e tyre në Shqipëri. Sipas tij edhe me këtë Ministri Kulture gjatë këtyre viteve u pa që aktivitetet lënë për të dëshiruar. Problem për piktorin mbeten politikat e munguar për artin dhe sipas tij në krye të institucioneve duhet të jenë njerëz, që kanë ndjeshmërinë për artin dhe kulturën.  

“Më vjen keq për gjendjen, që ka arti në vend. Unë, çfarë ndodh në Shqipëri e ndjek me shumë vëmendje. Ne kemi një Galeri Kombëtare të Arteve, e cila ka lindur si galeria e realizmit socialist dhe e tillë ka mbetur sot e kësaj dite. Nuk është e shndërruar në një muze të pikturës shqiptare, të popullit shqiptar. Por duke qenë se GKA është e shtetit shqiptar duhet të ketë politika shtetërore, që të ndërhyjë dhe të blejë vepra nga artistët e kohës.

Duhet të kesh njerëz me përgjegjshmëri, që t’i kuptojnë politikat që duhet për institucionet. Dhe është absurde që Ministria e Kulturës të mos ketë fonde për t’u blerë veprat e piktorëve të vlefshëm në atë institucion kombëtar. Shteti shqiptar sot nuk është i varfër. Në çdo 4 vjet po e bën sheshin “Skënderbej” të ri. Por nuk ka interes kulturor shteti jonë, ose interesi është që të jenë të tilla gjërat. Ne themi Ministria e Kulturës, por ne kemi dhe kryeministrin piktor dhe sa ka pasur vëmendje për artin? Nuk mund të lënë në këtë harresë GKA. Mendoj se është më shumë çështje ndjeshmërie e njerëzve dhe kulture, të cilët ulen në karrigen drejtuese të ministrive në Shqipëri.

Në këto vite me ministren Kumbaro në krye të Ministrisë së Kulturës pamë, që aktivitetet kulturore lanë shumë për të dëshiruar.

Fatkeqësisht sot, ne si artistë që jemi jashtë, i kemi dyert e mbyllura në institucione.”

Piktori Arben Shira jeton dhe punon prej vitesh në Itali ku edhe është diplomuar në Akademinë e Arteve në Bari në vitin 1995. Në Itali ai ka ekspozuar në shumë ekspozita personale, ndërkohë ka marrë pjesë dhe në ekspozita me piktorë të ndryshëm italian në të gjithë Italinë.

  

Të fundit