Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Absurde të shkatërrosh një ndërtesë historike”, mediat italiane për Teatrin: Rama po zhduk qëllimisht memorien e qytetit

Politiko 3 Gusht 2018, 21:40

Ligji i qeverisë për shembjen e Teatrit Kombëtarë është kthyer në një shqetësim edhe për mediat në Itali.

Është gazeta vendase, “Il Corriere Nazionale” e cila i ka dedikuar një artikull të shkruar nga gazetari Enzo Varricchio, ku thuhet se Rama është duke shkatërruar ndërtimet në kohën e Italisë e se po zhduk memorien e historinë, thjesht për interesa ekonomike private.

Në shkrim nënvizohet fakti se populli shqiptar ka pasur dhe ka lidhje me popullin fqinj italian e nuk mundet që një ndërtesë e ndërtuar prej arkitektëve më në zë të Italisë të zhduket me një të rënë të stilolapsit, në emër të një interesi të errët dhe shumë të dyshimtë.

“Il Corriere Nazionale”, raporton se ndërtesa e Teatrit Kombëtar është ndërtuar nga arkitekti italian, Xhulio Berte dhe se pikërisht TK është ndër ndërtesat e para që është projektuar dhe më tej ndërtuar nga italianët, madje edhe përpara pushtimit fashist të Shqipërisë, më 1939.

Më tëj, gazetari vijon duke shkruar se në vend të ndërtesës aktuale, të bërit një rikonstruktim, qeveria ka vendosur që të ndërtojë një tjetër ndërtesë, e marrë përsipër prej sipërmarrësish privatë e se projekt i tillë refuzohet prej opozitës së vendit, e prej shumë shqiptarëve, të cilët kanë dalë edhe nëpër rrugë, duke bërë thirrje se nuk mund të dëmtohet kultura dhe historia e një kombi.

Një kërkim i Universitetit të Barit në vitin 2008 theksoi vlerën e madhe historike dhe dokumentare të ndërtesës, mirëpo Edi Rama kryeministër shpërfill të gjitha këto. Është absurde të shkatërrohet një ndërtesë që ka histori, ndërtuar prej italianëve përpara pushtimit fashist, në vend se të ketë një rikonstruktim.

Kryeministri i vendit Edi Rama është vënë në shenjëstër të opozitës dhe të mediave në vend që po e cilësojnë si një sulltan që nuk pyetet aspak dhe se bën çdo gjë duke besuar kompanitë e ndërtimeve dhe sektorin privat, i cili merr përsipër ndërtime të tilla, të reja, duke zhdukur memorien e qytetit.

Stadiumi u shkatërrua në vitin 2017 dhe se për të kishte kritika shumë të ashpra. Tashmë radha i erdhi Teatrit Kombëtar, që ka qenë në një vend prej ndërtimit, edhe pas Luftës së Dytë Botërore. Gazetari Indro Montanelli tha para ca kohësh se: “në Tiranë e shkuara nuk ekziston” dhe se sot ka vetëm rrëmujë.

Në Tiranë pritet të ndërtohet një ndërtesë e re e Teatrit Kombëtar, e cila s’ka lidhje as me historinë dhe as me memorien e qytetit.