Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Abuzimi me të miturën në Kavajë, reagon Prokuroria: Të dyshuarit janë të gjithë nën 16 vjeç; po hetojmë me impenjimin maksimal

Politiko 4 Shkurt 2019, 18:01
Abuzimi me të miturën në Kavajë, reagon Prokuroria: Të

Prokuroria e Durrësit ka reaguar për ngjarjen e rëndë të Kavajës, ku një vajzë e mitur u përdhunua për disa ditë nga shokët e klasës. Në njoftim saktësohet se të gjithë personat e dyshuar të përfshirë në këtë ngjarje janë nën 16 vjeç dhe Prokuroria po e trajton rastin me impenjimin e duhur dhe maksimal.

Organi i akuzës kërkon nga mediat që të tregohen të kujdesshme dhe të mos bëjnë publike asnjë të dhënë që do të cenonte vajzën e abuzuar.

7 persona janë arrestuar nga policia për ngjarjen, ndërsa një tjetër është shpallur në kërkim.

Njoftimi i plotë i Prokurorisë:

Prokuroria pranë Gjykatës së Rrethit Gjyqësor Durrës po kryhen hetime për çështjen penale që bën fjalë për veprën penale të marrëdhënies seksuale me të mitur parashikuar nga neni 100/2 K.Penal.

Rasti në fjale po trajtohet me impenjimin e duhur dhe maksimal në zbatim të detyrës dhe në përputhje me normat dhe detyrimet që parashikon Kodi i Drejtësisë Penale për të Mitur.

Duke marrë shkas nga natyra e veprës penale, personin e mitur që është viktimë e veprës penale dhe të miturit në konflikt me ligjin, që të gjithë të mitur nën moshën 16 vjeç, për rastin hetimi është trajtuar nga Prokurorë të Seksionit për të Mitur pranë kësaj Prokurorie, sipas përcaktimeve të Kodit të Drejtësisë Penale për të Mitur.

Për këtë janë mbajtur parasysh në lidhje me publicitetin e këtij hetimi kërkesat e parashikuara në këtë Kod dhe sidomos ato që kanë të bëjnë me mbrojtjen e jetës private të të miturit, si dhe me mospublikmin e të dhënave për këtë rast, përcaktime të parashikuara në nenet 33, 43  të Kodit të Drejtësisë Penale për të Mitur.

Sa më sipër në respektim të të drejtave të të miturve, për mosndërhyrjen në jetën private dhe në mospublikim e të dhënave që kanë të bëjnë me rastin në fjalë dhe në respektim të detyrimeve që parashikohen në dispozitat ligjore për trajtimin e të miturve, kërkojmë nga ana juaj mirëkuptimin dhe zbatimin e këtyre dispozitave ligjore.

Të fundit