Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Acid në fytyrë, eksploziv në makinë, sulme me armë/ Nga rasti i parë më 1994 e deri tek Arjan Ndoj, atentatet ndaj prokurorëve dhe gjyqtarëve

Politiko 2 Nëntor 2019, 14:28

Acid në fytyrë, eksploziv në makinë, sulme me armë/ Nga

Prokurori Arjan Ndoj ra pre e një atentati ditën e djeshme sëbashku me dy personat e tjerë që ishin me të në makinë. Ngjarja ndodhi në aksin rrugor Durrës – Tiranë në afërsi të mbikalimit të Shkozetit, rreth orës 16:30, në afërsi të vendit të quajtur “Mbikalimi i Shkozetit”, ku persona akoma të paidentifikuar kanë qëlluar me armë zjarri në drejtim të mjetit ku po udhëtonte Ndoj.

Pas kryerjes së atentatit autorët kanë braktisur makinën pranë një rruge dytësore në Shkozet, bashkë me dy automatikë AK-47, të cilët mendohet se janë përdorur në atentatin e djeshëm.

Ndërkohë ekspertët e policisë po punojnë për gjetjen e autorëve, motivin e atentatit dhe cili ishte shënjestra e vërtetë e atentatorëve.

Por ky nuk është rasti i parë që njerëz të drejtësisë bien pre e atentateve në Shqipëri. Gjatë këtyre 30 vjetëve ka pasur disa raste ku gjyqtarë dhe prokurorë janë sulmuar me qëllimin eliminimin e tyre fizik. Atentatet ndaj tyre janë kryer zakonisht nëpërmjet bombëvënies në makinë ose në shtëpitë, por ka pasur edhe raste të tjera, siç janë sulmet me armë zjarri, si rasti i Ndojit.

Duke marrë shkas nga atentati i djeshëm, Politiko.al risjell në vëmendje disa nga këto raste duke u kthyer pas në kohë tek atentati i parë që i është bërë zyrtari të drejtësisë në Shqipëri gjatë këtyre 30 vjetëve.

‘Siparin’ e sulmeve apo atentateve ndaj gjyqtarëve dhe prokurorëve e ka hapur ish-kreu i Gjykatës së Lartë, Prel Martini, të cilit iu vu një tritol në banesën e tij në vitin 1994.

Në Peshkopi, po në vitin 1994 u vu tritol në banesë prokurorit Bilbil Mete, i cili po hetonte një rast kontrabande në doganën e Bllatës.

Ardian Nuni, anëtari i Gjykatës së Lartë, shkallës më të lartë të gjyqësorit në vend, u plagos në vitin 2009, pikërisht më 9 shkurt pranë shtëpisë së tij. Një person qëlloi dy plumba pistolete drejt tij që nuk e lanë të vdekur, por e kapën në krah dhe shpinë.

Një gjyqtare e çështjeve Penale në Gjykatën e Shkallës së Parë në Vlorë, u sulmua më 16 janar 2013 nga një person i cili i hodhi acid në fytyrë. Ngjarja ndodhi në orën 9.00 të paradites, ndërsa gjyqtarja 40-vjeçare Mirela Mishgjoni po dilte nga banesa e saj për të shkuar në punë.

Rasti më i bujshëm dhe më tragjiku është ai i gjyqtarit Skerdilajd Konomi, 35-vjec, i cili u ekzekutua në Vlorë në shtator 2011. Makina me të cilën lëvizte u hodh në erë. Konomi kishte një çështje të hapur gjyqësore lidhur me pronat e familjes së tij në Gjirin e Lalzit.

Një tjetër atentat me eksploziv është ai i 23 qershorit 2013 (ditën e zgjedhjeve), ku shenjestër ishte prokurori Dorian Tafili, i cili në atë kohë drejtonte Prokurorinë e Vlorës. Fatmirësisht, në momentin e shpërthimit, prokurori nuk ndodhej në mjetin e tij dhe nuk pati të lënduar në njerëz.