Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Adriatik Llalla i shpëton vettingut, Kolegji i Apelimit e penalizon në një drejtim tjetër

Politiko 11 Qershor 2018, 13:37

Ish-kryeprokurori i Përgjithshëm, Adriatik Llalla i shpëton procesit të vettingut. Kolegji i Posaçëm i Apelimit ka lënë në fuqi vendimin e Komisionit të Pavarur të Kualifikimit, i cili parashikonte ndërprerjen e procesit të rivlerësimit pas dorëheqjes së tij.

Sipas Komisionerit Publik, Florian Ballhysa dorëheqja e Llallës ka qenë e rregullt. KPA mori edhe vendimin tjetër që nuk parashikohej në atë me numër 2 nga KPK, duke e penalizuar atë për 15 vite nga dita e sotme, duke mos e lejuar atë të marrë asnjë lloj posti në sistemin e drejtësisë si prokuror, gjykatës, inspektor në KLD, KLGJ etj.

Kolegji i Posaçëm Apelimit mori në shqyrtim çështjen e dorëzuar nga Komisioneri Publik, ku kërkohet që ish-Prokurori i Përgjithshëm, Adriatik Llalla t’i nënshtrohet vettingut.

Procesi ndaj Adriatik Llallës u ndërpre nga Komisioni i Pavarur i Kualifikimit pas dorëheqjes së ish-kryeprokurorit nga e drejta për t’u emëruar gjyqtar apeli dhe rrjedhimisht nga i gjithë sistemi i drejtësisë.

Avokati

Menjëherë ka reaguar avokati i Llallës, Sokol Hazizaj, i cili e ka konsideruar këtë vendim një fitore të ligjit.

“Fitoi ligji, rritet besimi i qytetarëve ndaj reformës në drejtësi”, u shpreh avokati.

Të fundit