Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Agai i Rilindjes s'pyeti as për ndërkombëtarët”, Kryemadhi mbështet qëndrimin e aleatëve: S'duhen lejuar ndryshime të njëanëshme kushtetuese

Politiko 29 Korrik 2020, 21:50

Kryetarja e LSI-së, Monika Kryemadhi, ka mbështetur qëndrimin e aleatëve, Fatmir Mediut të PR, Agron Dukës të PAA dhe Dashamir Shehit të LZHK, kur thonë se opozita e bashkuar duhet të reagojë me çdo mjet për t’mos lejuar kalimin e ndryshimeve kushtetuese dhe fitoren e zgjedhjeve të ardhshme.

Kryemadhi shprehet se, pavarësisht se LSI nuk ka ideologji të njëjt me këto parti dhe shpesh kanë rënë ndesh me njëra-tjetrën për çështje të caktuara, sot ata ulen të gjithë bashkë në një tavolinë kundër një “kryeministri që ka grabitur çdo gjë në mënyrën më të pandershme dhe kriminale.“

Kryemadhi thekson se edhe ndërkombëtarët e kanë përkrahur marrëveshjen e 5 qershorit duke i dalë kundër Ramës për ndryshimet e njëanëshme, opinione këto të cilat vetë kryeministri i ka injoruar.

Pyetje: Fatmir Mediu ka deklaruar që nëse këto ndryshime do të kalojnë atëherë do të ishte më e mira që opozita e bashkuar të shkojë në shtëpi. Z. Duka ka deklaruar që opozita e bashkuar duhet të reagojë me çdo mjet, lobim ndërkombëtar apo dhe protestë ndërkohë që z.Shehi ka thënë që nëse kalojnë apo nuk kalojnë zgjedhjet e ardhshme do ti marrë opozita e bashkuar. Cili është qëndrimi juaj?

Kryemadhi: Unë jam shumë dakord me të tre, pavarësisht se ne të gjitha veprimet politike që kemi marrë edhe kemi qenë dakord edhe nuk kemi qenë dakord, për gjëra të ndryshme, si përshembull për djegien e mandateve apo bojkotin e zgjedhjeve lokale, apo lëshimin e zyrave të Bashkive, apo çështja e Teatrit dhe shumë e shumë të tjera.

Sigurisht nuk jemi të gjithë në të njëjtin mendim sepse përfaqësojmë rryma të ndryshme politike. LSI është parti e majtë, është parti e qendrës së majtë, nuk është parti e djathtë por ashtu sikurse kemi PBDNJ, PDIU që janë parti që asnjëherë nuk kanë qenë bashkë me njëra tjetrën, sot ne jemi të gjithë në një tavolinë, sepse e keqja e shqiptarëve dhe jo vetëm e shqiptarëve por e çdo qytetari shqiptar, nuk është më ideologjia, por është një kryeministër që ka grabitur çdo gjë në mënyrën më të pandershme dhe kriminale.

Kështu që në të gjitha momentet dhe rastet mos të harrojmë që kemi përballë një njeri ilegjitim, që kërkon një veprim i cili do të vijë i konsultuar por të jeni të bindur që çdo veprim jo legjitim që Rama dhe Parlamenti aktual do të marrë, do të ketë edhe shpagimin po themi legjitim popullor. Ajo që dua te theksoj është që përsa i përket reagimeve unë nuk besoj që Sekretari i Shtetit, jo vetëm Mike Pompeo po kushdo që ka qenë dhe para tij, të ketë bërë një deklaratë që përkrah po themi një vendim, vendimin e 5 qershorit të reformës zgjedhore për 5 rekomandimet OSBE-ODHIR-ti, unë nuk besoj të kemi parë Bundestagun Gjerman i cili të dalë aq prerë dhe aq qartë përsa i përket mosveprimeve të njëanshme nga PS në Parlament.

Nuk kemi parë ndonjëherë Komisionerin për Zgjerimin e Europës që të mbajë qëndrime aq radikale dhe aq më shumë jo më larg po në gazetën Panorama, të mediave tuaja, kemi një intervistë për herë të parë në këto vite pune të Ambasadorit Luigi Soreca, shumë te qartë dhe shumë të kthjellët të zyrës së BE si rrallëherë sepse ne jemi koshient që nuk e kemi pasur asnjëherë as mish as peshk i kemi pasur deklaratat e ndërkombëtarëve. Për herë të parë kemi një deklaratë shumë të qartë dhe të kthjellët përsa i përket mosveprimit të njëanshnëm dhe veprimeve kushtetuese në mënyrë të njëanshme. Ajo që dua të theksoj, vijmë në rastin tonë që kur agai i Rilindjes nuk pyeti as për Sekretarin e Shtetit as për Bundestagun”, ka thënë Mediu.