Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Agim Doçi kundër prishjes së Teatrit Kombëtar: Mua nuk më ka vdekur fjala. Edvin Kristaq Rama është frikacak

Politiko 19 Mars 2018, 20:44

Agim Doçi kundër prishjes së Teatrit Kombëtar: Mua nuk

Poeti Agim Doçi u është bashkuar me dhjetëra aktorëve shqiptarë që kundërtshtojnë prishjen e godinës së Teatrit Kombëtar. Në mbledhjen e zhvilluar sot, Doçi e konsideroi mynxyrë projektin e Ramës për teatrin e ri dhe tha se shqiptarët janë bërë një popull frikacak dhe servil.

Ai kërkoi nga të gjithë aktorët që të angazhohen për teatrin pasi sipas tij, kryeministri Rama nuk është trim, por frikacak.

Reagimi:

Ne jemi mbledhur këtu të diskutojmë për këtë mynxyrë që bën Kryeministri aktual sepse jemi katund i prishur, ne s'jemi qytetar. Qytetarët kanë një detyrë me adrenalinen e tyre të kundërshtimit të trembin këtë qeveri e cila trimëron se ne nga popull trim e liridashës, jemi bërë popull frikacak edhe servil.

I kam dëgjuar të gjitha dhe çfarë tha Ndrenika edhe që në vitin 1956 jam njohur me teatrin e me skenën si një ndër talentet e teatrit Migjeni të Shkodrës, me regjisor Esat Oktrovën, ku u vunë në skenë dramat e mëdha, tragjedi optimiste, tragjedi socialiste me historinë irkutase dhe komisari. Artistët nuk kanë komisar, duhet ta falënderoj kryetarin e sindikatave, sepse sindikatat janë bërë inekzistente.

Në ato fillim të viteteve 90 ne kapërcyem, 91-92 sindikatat përvetësuan pronën e atyre që kanë derdhur mund dhe djers dhe nuk e di pse mu kujtuan vargjet e një shkrimtari që thotë: Duhet të rivrasim të rënët për të arritur atje ku duam, të rënët ato që duhet të bien, ata që tallen me artin kombëtar, me ato 72 ikona të teatrit me të cilin ky popull ka bërë të mundur që të revokojë historinë e tij. Dua të falënderoj studion dhe mjeshtrin e madh Bujar Kapexhiun që ka sjellë diçka që implementohet në mënyrë mjaft komode.

Këtu nuk është problemi për të luajtur të mençurin sepse media, që është shumë e nderuar për mua, nuk duhet të pranojë që të mbahet peng nga një qeveri. Aktualisht janë 247 mijë banorë të qarkut Lezhë, Shkodër janë deri në brez nën ujë dhe mua më vjen shumë turp që ulur në këto karrige, ku janë ulur ikonat e artit, të flas me këtë adrenalinë. Përfaqësoj një krahinë falë së cilës, i madhi Faik Konica ka thënë: Falë Mirditës mbijetoi kjo pak Shqipëri dhe në Mirditë nuk të mallkojnë të vraftë pushka, tu theftë karrigia, por të mallkojnë të vdektë fjala.

Mua nuk më ka vdekur fjala. Miq të mi, jemi bashkëmoshatar me shumicën, kemi edhe mikun tim Bujar Asqeriun, nderi i kombit, a jeni në gjendje t'i bini kambanave për t’u mbledhur përpara zyrave të Edvin Kristaq Ramës se nuk është trim, ai është frikacak. Por me këto, mua më pëlqen, mua s’më pëlqen, ajo ishte e mirë, mos harroni që reptiliteti i vendeve nordike, përfshirë edhe atë danezin nuk mund të krahasohet me adrenalinën e arkitektëve, konstruktorëve të mrekullueshëm shqiptar.