Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Agjentit të DEA-s iu dorëzua 1 kg heroinë pas aksionit”, 4 akuzat që rëndojnë mbi vëllain e Fatmir Xhafajt

Politiko 9 Maj 2018, 12:50
“Agjentit të DEA-s iu dorëzua 1 kg heroinë pas

Partia Demokratike publikoi dosjen e plotë të Agron Xhafajt, vëllait të Fatmir Xhafajt i cili është dënuar me 7 vite e 2 muaj burg.

Deputeti demokrat Enkelejd Alibeaj, gjatë konferencës për media, teksa prezantoi dosjen e autoriteteve italiane, u shpreh se nga shqyrtimi i vendimeve gjyqësore dhe dosjes përkatëse penale Agron Xhafaj rezulton se është dënuar për 4 vepra penale.

“1. Për pjesëmarrje në grup kriminal që kishte për synim trafikun ndërkombëtar midis Europës dhe SHBA. Marrëveshja mes grupeve kriminale, në njërin prej të cilëve bënte pjesë Agron Xhafaj ishte për shkëmbimin fillestar të 50 kg heroinë me 300 kg kokaine. Marrëveshja u ndryshua dhe parashikoi furnizimin e 40 kg heroinë, e paraprirë nga dorëzimi i një kampioni prej 1 kg të së njëjtës substancë për ta testuar lidhur me një furnizim të madh të mëvonshëm. Në operacionin për zbulimin e trafikut ndërkombëtar të drogës merrte pjesë një agjent i DEA-s. Atij i’u dorëzua 1 kg heroinë, të cilën e siguroi për llogari të grupit kriminal të Italisë Agron Xhafaj.

  1. Për drejtimin e një rrjeti të shpërndarësve të lëndëve narkotike heroinë, kokainë, hashash në Bolonja.

  2. Për bashkëpunim në importimin nga Shqipëria në territorin e shtetit italian dhe transportin e lëndëve narkotike, ku Agron Xhafaj bënte të mundur tërheqjen direkte të drogës së transportuar nga Shqipëria dhe të fshehur në rrethinat e bregdetit të Salentos.

  3. Për bashkëpunim me persona të tjerë, për mbajtjen në mënyrë të paligjshme, dhëniendhe marrjen e lëndës narkotike, ku Agron Xhafaj kishte rolin e shpërndarjes tek blerësit të drogës së llojit heroinë dhe kanabis”, u shpreh Alibeja.

Më tej, deputeti shtoi se dënimi me 7.2 vjet burg i Agron Xhafajt, i konfirmuar si vendim i formës së prerë nga Gjykata e Kasacionit të Italisë, është bazuar mbi provat e prokurorisë italiane.

“Ajo posedon përgjime telefonike që zgjatën më shumë se një vit e gjysëm. Përgjimet u pasuruan në mënyrë domethënëse nga sekuestrimi i një furnizimi prej 1 kg heroinë nga Shqipëria, nga dorëzimi i kontrolluar i një sasie tjetër prej 1 kg heroinë në Firence, që ishte sasia e kërkuar për testimin e cilësisë, dhe nga sekuestrimi i 2 kg hashash të përgjuara në Venecia”, tha më tej deputeti demokrat.

“Kjo mundësonte përcaktimin e të dhënave për ekzistencën e një organizate kriminale për trafikun ndërkombëtar të lëndëve narkotike, e cila vepronte midis Shqipërisë, Italisë, Polonisë dhe SHBA për importimin e heroinës, kokainës dhe hashashit nga Shqipëria drejt brigjeve të Salentos, duke garantuar më pas shpërndarjen e tyre në territorin italian nëpërmjet një rrjeti trafikantësh shqiptarë. Rrjeti kishte ngritur bazat logjistike në zona të ndryshme të veriut të Italisë (midis të cilave Parma, Imperia, Venecia dhe Bolonja) me degëzime në Poloni dhe SHBA. Në Bolonja drejtues i rrjetit të shpërndarjes së drogës ishte vetë Agron Xhafaj”,shtoi më tej Alibeja dhe Gazmend Bardhi.

Ministri i Brendshëm e mohoi, PD publikon dosjen: Agron Xhafaj furnizuesi i organizatës kriminale, i dënuar me 7 vite burg

I dënuar në Itali për trafik droge, si i shpëtoi drejtësisë vëllai i Fatmir Xhafajt? 7 pyetjet që ngre PD pas publikimit të dosjes

Të fundit