Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Agron Shehaj flet për 'Zërin e Amerikës': Dekriminalizimi nuk mjaftoi, me Ramën s’jemi në drejtimin e duhur

Politiko 8 Shtator 2018, 18:45

Agron Shehaj flet për 'Zërin e Amerikës':

Deputeti i Partisë Demokratike, Agron Shehaj e cilëson nismën e re të PD si një domosdoshmëri për të çliruar qeverinë aktuale nga politikanë të lidhur me krimin e organizuar.

Në një intervistë për ‘Zërin e Amerikës’, i pyetur për amendamentet e propozuara nga PD për vetting në politikë, Shehaj u shpreh se nisma vjen për faktin se dekriminalizimi nuk mjaftoi, pasi qeveria vazhdon të ketë lidhje të forta me krimin e organizuar.

“Kjo nismë është në vazhdim të dekriminalizimit. Edhe dekriminalizimi dukej në fillim i pamundur. Duket se kjo gjë nuk ka mjaftuar, pasi qeveria aktuale vazhdon të ketë lidhje të forta me krimin. Me vetting në politikë, këto lidhje duhet t’i presim dhe të çlirojmë parlamentin nga krimi i organizuar”, u shpreh Shehaj.

Shehaj sqaron pse me Ramën shqiptarët nuk janë në drejtimin e duhur, ndërsa u referohet statistikave dhe raporteve ndërkombëtare si DASH.

“Është kryeministri Edi Rama, ai i cili ka çuar në një nivel shumë më të lartë këto lidhje. Ky është edhe një argument i qeverisë, kur thotë se drogë ka patur edhe më parë, por kur flasim për fakte të tilla, apo për krimin, korrupsionin, varfërinë duhet të mendojmë se politikani gjykohet për atë çfarë ka bërë, pra ka bërë më shumë apo më pak.

Nëse duam të vlerësojmë si ka qenë puna e kësaj qeverie, duhet të shikojmë çfarë bëjnë shqiptarët. Ata duan të ikin, sipas sondazheve 56% e popullsisë duan të ikin. Aplikimet në lotarinë amerikane janë një tregues tjetër i fortë. 400 mijë shqiptarë kanë aplikuar, shumë më tepër se në 2013-ën kur aplikuan vetëm 130 mijë shqiptarë për të ikur në SHBA.

Pse ndodh kjo, se në Shqipëri sundon krimi dhe korrupsioni. Këtë e thotë edhe DASH, korrupsioni është përhapur në të gjitha degët e qeverisjes. Korrupsion ka patur edhe më parë, por deri tani treguesit kanë faktuar se situata është përkeqësuar, pra s’jemi në drejtimin e duhur”, tha deputeti i PD.

Deputeti Shehaj është njëkohësisht edhe themelues i Institutit të Studimeve ‘Lumo Skëndo’, i cili bashkë me historianin Uran Butka kanë risjellë në dritë veprimtarinë e studiuesit Mit’hat Frashrit. Ai tha se deri tani janë botuar dy vëllimet e para me veprat e përmbledhura të Mit’hat Frashrit dhe po përgatitet vëllimi i tretë.

Po ashtu, Agron Shehaj foli edhe fondacionin ‘Kujto’ që ai drejton, i cili synon mos harresën e krimeve të komunizmit.

“Bëhet fjalë për një arkiv online që synon të vendosë të aksesueshëm të gjithë listën e viktimave të komunizmit. Synimi është të kujtojmë një nga plagët e krimit të komunizmit, plagë që sot janë ende gjallë te njerëzit. Sot ka një mungesë në përcjelljen e fakteve, shumë të tjerë nuk kanë patur akses. Është e rëndësishme për brezat”, tha Shehaj.