Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“AKEP dhe AMA, gjoba deri në 10 mln lekë për portalet”, zyrtarizohet ligji për median online

Politiko 4 Shkurt 2020, 09:29

Ndonëse në seancën e javës së shkuar në Kuvend u reflektua një lloj tërheqje për paketën ‘anti-shpifje’, ndryshimet në ligjin nr. 9918, datë 19.5.2008, “Për komunikimet elektronike në Republikën e Shqipërisë” megjithatë janë zyrtarizuar duke hyrë në Fletoren Zyrtare.

Sipas këtij ligji, në nenin 8, shkronja “k” riformulohet si më poshtë: k) administron domain cc.TLD.al, nëndomainet e tij, si dhe përcakton me rregullore të posaçme rregulla të hollësishme për metodologjinë, pagesat, procedurën dhe mënyrën e menaxhimit të këtij shërbimi, në përputhje me legjislacionin në fuqi dhe standardet ndërkombëtare.

Kurse në nenin 12, pas pikës 2 shtohet pika 3 me këtë përmbajtje të kundërshtuar nga presidenti, organizatat e mediave, apo edhe faktorit ndërkombëtar thuhet: AKEP-i bashkëpunon me AMA-n në përputhje me parashikimet e këtij ligji dhe dispozitave të tjera nënligjore, si dhe siguron zbatimin e vendimeve të Këshillit të Ankesave dhe organeve të tjera të AMA-s, duke detyruar ofruesit e shërbimeve të aksesit në internet të zbatojnë aktet/vendimet përkatëse të këtyre autoriteteve, sipas afateve dhe procedurave të parashikuara në legjislacionin në fuqi”.

Pika që është kundërshtuar po ashtu është edhe ndëshkimi me gjobë deri në 10 mijë dollar për portalet për shkeljet e konstatuara.

“Në nenin 137, në fund të kreut V, pas pikës 19 shtohet pika 20 me këtë përmbajtje:“20. Nuk zbatojnë urdhrat/vendimet e AKEP-it, që lidhen me zbatimin e akteve/vendimeve të Këshillit të Ankesave dhe të AMA-s apo të nxjerra nga çdo organ tjetër me kompetenca ligjore në këtë fushë, sipas nenit 4, të këtij ligji”, që do të thotë se përmes nenit 4 të ligjit nr. 92/2019, AKEP-it i jepet kompetencë që në rast se ofruesi i shërbimeve mediatike nuk zbaton urdhrat/vendimet e AKEP-it, që lidhen me zbatimin e akteve/vendimeve jo të formës së prerë të Këshillit të Ankesave dhe të Bordit të AMA-s apo të nxjerra nga çdo organ tjetër me kompetenca ligjore në këtë fushë, sipas nenit 4, të këtij ligji, atëherë personi juridik privat do të ndëshkohet me gjobë në shumën prej 1 000 000 lekë.

Paketa anti-shpifje u kthye me dekret nga presidenti Ilir Meta në Kuvend “me qëllim përfshirjen e rregullave strikte për ngritjen e funksionimin e organeve administrative të pavarura, rivlerësimin e nivelit të masave administrative të parashikuara në analizë të realitetit ekonomik në të cilin janë ngritur e funksionojnë ofruesit e shërbimit të medias, rishikimit të procesit të vlerësimit dhe marrjes së masave administrative dhe ekzekutimit të tyre, si dhe rivlerësimin e efektit të drejtpërdrejtë që do të kenë në përditshmërinë e punës së ofruesve të shërbimit mediatik elektronik nga parashikimet e reja ligjore”.

Kujtojmë se në seancën e së enjtes në Kuvend, kreu i Grupit Parlamentar të PS, Taulant Balla kërkoi shqyrtimin e dekretit të presidentit për paketën anti-shpifje deri në publikimin e raportit të Komisionit të Venecias.

Po ashtu, dje dy projektligjet kanë përfunduar sërish për opinion në Komisionin e Venecias nga Harlem Desir, përfaqësuesi i OSBE për Lirinë e Medias.

Megjithatë, me zyrtarizimin e paketës në Fletoren Zyrtare, është e paqartë se si do të procedojnë autoritetet, ndërsa ligji hyn në fuqi më 18 shkurt.