Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Aksidenti me vdekje në Memaliaj/ Rrëqeth dëshmitari i ngjarjes: Ishte dëmtuar në kokë dhe qafë; s’ishte faji i djalit, atë e vrau kot

Politiko 7 Gusht 2020, 18:04

Një aksident i rëndë ndodhi mesditën e sotme në rrugën nacionale Memaliaj-Krahës, ku një mjet ka përplasur për vdekje një 23-vjeçar, i identifikuar si Eduard Caushi. I riu po udhëtonte në këmbë në afërsi të fshatit Toç, ndërsa është përplasur nga 65-vjeçari me iniciale K.M.

Viktima është goditur nga mjeti i cili më pas, sikurse shihet edhe përmes pamjeve të mëposhtme, ka përfunduar me rrota në ajër.

Për Politiko.al, një dëshmitar i rastit ka rrëfyer disa nga momentet e ngjarjes, në të cilën humbi jetën 23-vjeçari, banues në fshatin Anëvjos të Memaliajt, ku vihet re se një gabim i drejtuesit të mjetit i ka kushtuar jetën të riut.

Pas ngjarjes, 65-vjeçari, banues në Gjirokastër, është shoqëruar për në ambientet e policisë së Gjirokastrës.

Çfarë ndodhi në aksidentin e sotëm? Si ndodhi ngjarja?

Djali po ecte në rrugë, ishte në anë të kazanëve të plehrave, i vjen një makinë nga mbrapa e përplas për kazani duke e lënë të vdekur. Isha duke ardhur nga Krahasi dhe kur mbërrita në vendngjarje shoh që makina e kishte marrë 15- 20 metra përpara.

Më pyesin nëse e njihja, me dukej fytyrë e parë, por nuk mund ta identifikoja tamam ashtu sikurse ishte katandisur. Më pas dikush tjetër e identifikon që i riu ishte Eduarti. Më pas erdhi ambulanca dhe e morën.

Viktima kishte ngelur për një kohë ashtu i shtrirë atje, me gojën e mbushur me dhê, një vrimë pas koke sepse ishte goditur në gur dhe i ishte thyer edhe qafa.

I hodhëm një çarçaf, pastaj mjekët e ambulancës e panë nga afër, sikur kishte pak pul. I bën një gjilpërë. E hodhën në barrelë dhe e hipën në ambulancë. Por që ishte e pamundur, kishte mbaruar...

Pse makina aty? A nuk ishte duke ecur në anë të rrugës nacionale viktima apo i kishte zënë rrugën mjetit?

Djali as nuk e kishte pandehur fare që makina po i vinte nga mbrapa. Kishte ardhur nga Memaliajt, sa kishte zbritur nga një makinë dhe po ecte rrugës për në shtëpi.

Fajin e kishte drejtuesi me siguri. Ai i shkreti ishte në punën e tij, u vra kot. Drejtuesi, ose ka qenë i pirë ose i ka ikur makina nga duart sepse s’ka mundësi.

Makina i erdhi nga mbrapa e goditi djalin, dhe po ta shihje ishte trupi në një anë, atletet në krahun tjetër, sendet e tjera personale që kishte në dorë (telefon etj.) ishin hedhur në një krahë tjetër.

Mjeti kishte dalë pothuajse në krahun e kundërt edhe kishte hipur mbi hekurat e një pusete që ndodhej aty pranë për të nxjerr ujin në përrua, dhe e kishte vënë djalin përpara duke e përplasur deri tek kazanët atje. Më pas kishte përfunduar me rrota në ajër.

[caption id="attachment_404459" align="alignleft" width="613"] Makina me xhama të thyer dhe rrota përpjetë; foto nga vendngjarja[/caption]