Flash News

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Aksidentoi për vdekje një grua dhe u largua, Interpol Tirana ekstradon shqiptarin e parë drejt Kanadasë

Politiko 11 Gusht 2020, 17:23
Aksidentoi për vdekje një grua dhe u largua, Interpol Tirana ekstradon

Një shtetas shqiptar është ekstraduar drejt Kanadasë për veprën penale "neglizhencë me pasojë vdekjen". Mësohet se, Erjon Kashari ka aksidentuar për vdekje në 2014 një shtetase me inicialet C. M..

39-vjeçari është shqiptari i parë që ekstradohet drejt Kanadasë, pas marrëveshjes së bërë mes dy vendeve.

Në 2018-tën, autoritet kanadaze të drejtësisë kishin caktuar masën e sigurisë "arrest me burg", pasi pas aksidentit Kashari ishte larguar me shpejtësi nga vendi i ngjarjes duke mos i dhënë asaj ndihmën e parë. 39-vjeçari nuk kishte njoftuar as ambulancën dhe as policinë, çka sipas autoriteve solli vdekjen e gruas.

Kashari ka qenë në kërkim prej më shumë se 5 vitesh, ndërsa u arrestua në vendin tonë 2019. Ai pritet të ekstradohet drejt Kanadasë, ku dhe do të vuajë dënimin e dhënë nga gjykata.

Njoftimi i policisë

Interpol Tirana vijon bashkëpunimin  me homologët, për kapjen dhe ekstradimin e personave të shpallur në kërkim ndërkombëtar. Si rezultat i këtij bashkëpunimi, ditën e sotme, nga Interpol Tirana është bërë ekstradimi nga Republika e Shqipërisë drejt Kanadasë, i shtetasit shqiptar E. K., 39 vjeç.

Ky shtetas ishte shpallur në kërkim ndërkombëtar nga autoritetet kanadeze të drejtësisë, bazuar në urdhër-arrestin e datës 15.06.2018 të Gjykatës British Columbia, Kanada, si person nën hetim për veprën penale "Neglizhencë me pasojë vdekjen", parashikuar nga Kodi Penal kanadez.

Përmbledhje e ngjarjes së ndodhur: Në vitin 2014, në Richmond, Kanada, ky shtetas, duke drejtuar një automjet tip kamion, ka përplasur shtetasen C. M., e cila për pasojë ka gjetur vdekjen. Gjykata e British Columbia, Kanada, më datë 25.06.2018 ka vendosur masën e sigurisë “Arrest në burg”, për shtetasin shqiptar E. K.

Ky shtetas është arrestuar në vendin tonë më datë 17.07.2019, me qellim ekstradimin drejt Kanadasë. Autoritetet gjyqësore shqiptare kanë dhënë miratimin për ekstradimin nga Republika e Shqipërisë në drejtim të Kanadasë të shtetasit E. K., i cili iu dorëzua oficerëve të policisë kanadeze në aeroportin “Nënë Tereza” Rinas.

Të fundit