Akt-akuza në prag të takimit në Washington, Thaçi “sfidon” BE: Rrugën ma prenë, por jo besimin

Kryeministri i Kosovës, Hashim Thaçi në prononcimin e parë për mediat pas akt-akuzave të ngritura ndaj tij nga Prokuroria e Posaçme e Hagës është shprehur nuk ka as edhe një provë të vetme për shkeljen e ligjit nga ana e tij.

Në një mesazh prekës përballë qytetarëve, Thaçi ka deklaruar se asnjëherën nuk ka shkelur besimin e tyre. Sipas tij, Kosova po hyn në një kapitull aspakt të lehtë.

Gabime politike në paqe mund të kem bërë, por krime lufte asnjëherë!

Një gjë është e sigurt që nuk ka patur dhe nuk do të ketë qoftë edhe një provë të vetme për shkeljen e ligjit nga unë.

Ligji i vetëm që kam shkelur është ai i Sllopodan Milosheviçit, njëlloj si i gjithë populli i Kosovës për ta shporrur nga këtu. Unë nuk jam i kulluar. Gabime mund të kem bërë, por shkelje të ligjit kurrë. Fati im në rrethana  krejt të veçanta historike ma përcaktoi vijën e jetës dhe të sjelljes sime. Nuk gjendet as në Kosovë e askund në këtë botë dikush që t’i kem borxh.

Politika nuk ishte asnjëherë burim i jetës për mua po mision i shenjtë për t’ju shërbyer ju qytetar të dashur. Sot dua t’ju them kujdo që më ka dhënë votën: Më fal për ato që skam bërë! Por besimin tënd nuk e kam shkelur kurrë! Përkulem para besimit tuaj.

Të nderuar bashkëqytetarë, Kosova po hyn në një kapitull të ri dhe aspak të lehtë. Kjo nuk është asgjë e re, pasi historia jonë ka pasur shumë periudha të vështira.

Ky është një kapitull i ri edhe për mua dhe në këto momente ende nuk e di se sa i vështirë do të jetë. Por, unë jam gati ta shkruaj këtë kapitull me të vërtetën time përballë kujtdo qoftë”, është shprehur Thaçi.

Referuar kohës në të cilën ka ardhur akt-akuza, pak para takimit të 27 Qershorit në Ëashington, Thaçi thekson se kjo i preu rrugën drejt dialogut, por jo besimin në vlerat që përfaqëson Shtëpia e Bardhë dhe SHBA për të dhe qytetarët e Kosovës.

Nuk e di a ishte rastësi apo ishte intrigë që në mes të rrugës drejt Shtëpisë së Bardhë doli njoftimi për një aktakuzë të pakonfirmuar. A thua ky do të jetë çmimi i fundit që duhet paguar për lirinë e Kosovës?

Rrugën ma prenë. Por, nuk ma cenojnë besimin në vlerat që përfaqësojnë Shtetet e Bashkuara të Amerikës dhe Shtëpia e Bardhë për mua dhe për qytetarët e Kosovës”, ka thënë Thaçi.