Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Akuza e Arben Ndokës: Prokuroria po u shërben vrasësve të vëllait tim; unë i kam gjetur

Politiko 12 Prill 2019, 20:21
Akuza e Arben Ndokës: Prokuroria po u shërben vrasësve të

Njoftimin e Prokurorisë se i ka sekuestruar prona me vlerë 40 milionë euro, Arben Ndoka, ish-deputet i Partisë Socialiste, e konsideron aludim dhe thotë se këto prona nuk ekzistojnë. Në intervistën për ‘Fax News’, ish-deputeti e lidh këtë ngjarje me vrasjen e vëllait të tij, Aleksandër Ndoka, në 2017-ën.

Sipas tij, arsyeja e këtyre akuzave që bëhen nga Prokuroria e Krimeve të Rënda është se ka zbuluar personalisht se kush janë vrasësit e vëllait.

“Unë nuk jam këtu për asnjë arsye të cilat janë thënë, por sepse në mënyrë personale kam gjetur vrasësin e vëllait tim. Vrasësit e vëllait tim nuk kanë influencë në prokuroritë e rretheve por vetëm në Prokurorinë e Krimeve të Rënda, dhe ndaj e kanë dërguar çështjen atje. Nëse dikush ka dëshirë të më japë prona që si kam është çështje tjetër. Unë nuk kam asnjë centimetër tokë askund”, thotë Ndoka.

Ai thekson se në vendin ku mbeti i vrarë vëllai i tij, pak metra larg shtëpisë në Lezhë, është gjetur një kapele me një fije floku, por prokuroria nuk e ka hetuar si provë.

“Problemi im është shumë më i madh se pronat, është vrasja e vëllait tim. Është gjetur një kapele në të cilën ka patur një fije floku, askush nuk është marrë me këtë çështje, edhe Prokuroria e Krimeve të Rënda e cila nuk më ka thirrur për të kërkuar kontributin tim se mbase do t’i çoja tek autorët duke ju dhënë indicie dhe dyshime. Natyrisht arrestimi im ka të bëjë me vrasjen e vëllait tim, sepse autorët janë po ata që po më nxjerrin probleme mua. Unë besoj se gjetjen e autorëve do ta bëj privatisht, pasi nuk besoj se prokuroria mund ta bëjë këtë gjë. Kam bërë kërkime privatisht, sepse nuk e kam pasur mbështetjen e organeve për vrasjen e vëllait tim”, deklaron Ndoka.

Pyetjes se a ka lidhje vrasja e vëllait të tij me politikën, Ndoka ju përgjigj: “Përgjigje për këtë pyetje do të kem më vonë.”

Të fundit