Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Akuzat e Selamit dhe Elezit në Kuvendin Kombëtar, sekretari i PD-së: Fishkëllimat të papranueshme, por ka një dallim

Politiko 1 Maj 2018, 09:48

Akuzat e Selamit dhe Elezit në Kuvendin Kombëtar, sekretari i

Fjalimin e ashpër të ish-deputetit demokrat Eduard Selami dhe ish-kryetarit të PD-së në Kukës Ibsen Elezit, i ka komentuar dhe Sekretari për Burimet Njerëzore në PD, Fatbardh Kadilli.

I ftuar në emisionin “Debati në Channel One” të gazetarit Roland Qafoku, Fabardh Kadilli tha se fishkëllimat ndaj Selamit ishin të papranueshëm dhe i refuzon totalisht, por vetë Selami gënjen. Ndërsa fjalimin e ish-kryetarit të PD-së së Kukësit Ibsen Elezit, Kadilli e quajti populist dhe sipas tij edhe ai tha të pavërteta.

“Fishkëllimat ndaj fjalimit të Selamit në Kuvend nuk ishte asgjë për t’u pranuar. Fishkëllima ishte për t’u refuzuar totalisht. Por ka një dallim. Është tjetër gjë kur njeriu fishkëllehet se është nervoz dhe tjetër gjë kur e instrumentalizon dikush dhe e përdor. Nuk ka lidhje rasti i Selamit me rastin e Ben Blushit dikur në PS.

Në rastin e Blushit ishin njerëz të tjerë të kryetarit të bashkisë së Elbasanit që e fishkëllenin. Në rastin e Selamit këta nuk ishin të organizuar. Madje, kryetari Basha u bën me dorë pushoni. Gjithë trupa jonë e komisionit ishim duke bërë me dorë pushoni. Ata që fishkëllenin ishin të shpërndarë lart e poshtë. Nuk ishte një grup. Ata ishin të mërzitur dhe nervozuar nga fjala dhe fjala ka të pavërteta të rënda. Selami në atë fjalim tha të pavërteta bezdisëse.

Që partia nuk ka bërë analizë. Kemi bërë analiza për të tre humbjet por i kemi bërë brenda zyrave. Po Selami a është brenda zyrave? Selami duhet ta dinte këtë gjë. Kishte edhe detyra funksionale në fushatë. As Selami e as Topalli, as Imami, as Kulluri nuk kanë ardhur në këto analiza. Selami është gënjeshtar teksa thotë që 22 kryetarët e degëve u hoqën nga Basha. Është bërë mbledhje kryesie dhe nuk janë hequr me një të rënë të lapsit. Gënjen sepse nuk ka shkelur në parti ndonjëherë”, është shprehur Kadilli.

Ndërsa sa i përket fjalimit të Ibsen Elezin, Kadilli u shpreh, “Janë disa ëebsite të sponsorizuara nga Partia Socialiste që e kanë nxjerrë fjalën e Ibsen Elezit në kuvend që të dalë kryefaqe në rrjet. Dhe nuk paska qenë më e rëndësishme që kjo parti, Partia Demokratike, po bën një ndryshim radikal me këtë statut. E drejta e Ibsenit ishte që ai bëri populistin. Paskemi futur persekutorët në parti.

Nuk ka asnjë persekutor në Partinë Demokratike. Ai tha se kemi probleme me Sigurimin e Shtetit. Ne e kemi futur në statut që çdokush të verifikohet. Paskemi lidhje me Sorosin, po kjo nuk është fare e vërtetë. Pra këto janë populizëm dhe është e pandershme nga ana e tij. Ibsen tha gjëra të pavërteta”.