Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Akuzat për falsifikim dokumentacioni nga kompania te “Unaza”, Gjiknuri: S’i fshihem përgjegjësive shtetërore

Politiko 8 Dhjetor 2018, 14:11
Akuzat për falsifikim dokumentacioni nga kompania te “Unaza”,

Ministri i Infrastrukturës Damian Gjiknuri ka reaguar pas akuzave për falsifikim dokumentacioni ndaj kompanisë që ka marrë tenderin për njërin prej loteve të Unazës së Re.

Gjiknuri në një reagim në Facebook, shkruan se kompania që akuzohet për korrupsion nuk ka marrë asnjë qindarkë nga paratë e buxhetit të shtetit dhe se i është drejtuar autoriteteve amerikane për verifikimin zyrtar të shqetësimit të bërë publik në media. Më tej ai shprehet se nuk i fshihet përgjegjësive shtetërore.

Reagimi i Damian Gjiknurit:

Atyre që duan të bëjnë politikë me Unazën e Re dhe kujtojnë se gjetën shtegun e revolucionit, pasi u katandisën me 100 protestues profesionistë të Bashkisë Kamëz nga mbrapa, u them kaq:

Ndryshe nga ju që kur qeverisnit shisnit Shqipërinë me letra fallco, sot autoritetet e shtetit po bëjnë detyrën.

ARRSH ka pezulluar projektin për lotin nr.1.

Unë si ministër i jam drejtuar autoriteteve amerikane për verifikimin zyrtar të shqetësimit të bërë publik në media.

Kompania në fjalë nuk ka marrë asnjë qindarkë nga Buxheti i Shtetit dhe garancia e saj financiare do të sekuestrohet, në rast se dokumentat e paraqitura prej tyre në garë nuk janë autentike.

Në fillim-javën e ardhshme, presim përgjigjen e autoriteteve amerikane. Nëse përgjigja do të konfirmojë falsifikimin e dokumenteve nga kompania, atëherë padiskutim do të reagojmë menjëhere me zgjidhjen e njëanshme të kontratës dhe referimin e rastit pranë organeve të drejtësisë.

Ky është dallimi i madh mes nesh dhe jush. Ne nuk i fshihemi asnjë përgjegjësie shteterore dhe as kemi gjë për të fshehur. E thënë ndryshe, shqetësimi juaj është si të shisni baltë për të mbuluar të kaluarën tuaj, ndërsa qëllimi ynë është si të hapim rrugët e zhvillimit të Shqipërisë që ju rrënuat.

Të fundit