Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Akuzohet se u korruptua me 6 mijë euro, zbardhen detaje të reja nga dosja për gjyqtaren Mimoza Margjeka

Politiko 11 Shtator 2020, 12:30

Akuzohet se u korruptua me 6 mijë euro, zbardhen detaje të reja nga

Pak ditë më parë SPAK arrestoi një gjyqtar, një avokat dhe një shef departamenti në një Universitet të akuzuar për korrupsion.

Të arrestuarit janë Nejton Bali, Klaudjo Zhilla, Skënder Demiraj të cilët në bashkëpunim me njëri tjetrin kanë konsumuar veprën penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, duke i dhënë shtetases Mimoza Margjeka, me detyrë gjyqtare, aktualisht e komanduar në Gjykatën e Apelit Korçë, nëpërmjet bashkëshortit të saj, shtetasit Arben Cara, një shumë prej 6.000 eurosh, si përfitim të paligjshëm.

Kjo shumë parash, është dhënë me qëllim ndryshimin e masës së sigurimit, nga “arrest në burg” në “garanci pasurore”, ndaj shtetasit Orion Bali, i arrestuar për trafik klandestinësh.

Ashtu siç është raportuar edhe më parë, çështja e korrupsionit u zbulua nga përgjimet për shkak të bisedave të të burgosurit Orion Bali me të vëllain dhe nga ky i fundit me të ëmën.

Të implikuarit flasin në vazhdim me detaje deri ditën kur avokati Demiraj pasi shuma dorëzohet, thotë : u krye kjo punë.

Po ajo që vihet re në transkripte, është se të implikuarit në çështje përveç Margjekës flasin dhe për një gjyqtare tjetër.

Konkretisht në transkript thuhet se Klodi me Skënderin diskutojnë sërish për gjyqtarë ku një është një grua nga Pogradeci, dy është Olsi dhe tre kjo Cara.

Më datë 24 korrik ora 12:21 Klaudjo komunikon me Skënderin dhe i bën me dije se ka folur me atë , e ka telefonuar në mëngjes. Ideja është që ai nuk bën dot veprime pa këto të dyja, këto dy gratë dhe prandaj i ka thënë të martën do ti ktheje përgjigje.

Më datë 27 në orën 20:00 Nejtoni komunikon me dike dhe i përgjigjet se është kref me atë, do i përgjigjet se i ka kërkuar edhe 1500 euro të tjera, por do ti përgjigjet se nuk ka për të lënë njerëz brenda.

Ai ka paguar 6 dhe i ka thënë mos ta linte për sekondën e fundit pasi lekët ka një javë që ja ka dhënë. Ai (për Skënderin) i ka thënë se e fundit fare të shtojë edhe 1500 të tjera, tja japë avokates. Lekët ka një javë që ja ka dhenë, kujt? Pasi me Benin nuk është takuar asnjë prej personazheve.

Pjesë nga dosja:

Nejtoni me numër telefoni 068***034 ka biseduar më datë 20.07.2020, ora 09:30, me nënën e tij Afërdita, me numër telefoni 068 *** 010.

Afërdita e pyet se çfarë i ka thënë Skënderi dhe Nejtoni i përgjigjet se Skënderi ka dërguar njerëzit e tij në Korçë te gjykata dhe data nuk ka dalë e afishuar. Që del këtë javë, nuk diskutohet. Sipas Nejtonit, Skënderi i ka thënë se ka futur miq me peshë dhe e ka pyetur nëse i ka marrë lekët me vete dhe sa lekë kishte marrë.

Nejtoni i ka thënë se kishte 5 mijë euro, por Skënderi i ka bërë me dije se duhen 6 mijë euro dhe nuk ishte problem edhe nëse ishin lekë shqiptare. Skënderi i ka thënë se do të bënte më të mirën e mundshme dhe miqtë i ka futur e do të arrinin diçka.

Nejtoni ndërkohë i konfirmon së ëmës se ia ka dhënë lekët Skënderit. Ky i fundit, gjithashtu, i ka thënë Nejtonit që të bënte me dije të ëmën Afërdita se paratë po paguhen për ta prurë Orionin në shtëpi dhe se po mundohen për të kryer punë, njerëzit i ka të fuqishëm atje. E ëma e pyet edhe një herë nëse u bënë 6 dhe Nejtoni i konfirmon se u bënë.

Skënderi, përdorues i numrit të telefonit 069 **** 062, konstatohet se komunikon me përdoruesin e numrit 069 *** 915, të identifikuar si Albert Zhilla, të cilit i sqaron se kanë arrestuar një mikun e tij në Pogradec dhe e kanë çuar në Korçë. Ndërkohë e pyet nëse ka ndonjë të njohur në Apelin e Korçës.

Berti i bën me dije se ai tashmë është shkëputur, ka pasur 2-3, por ata kanë dalë në pension dhe kanë ardhur të rinj, por do të pyesë një herë mos njeh Klodi, djali i tij (Klaudjo Zhilla) ndonjë. Skënderi ndërkohë i thotë se ka dalë data e gjyqit, konkretisht është caktuar seanca për më datë 22 korrik 2020 dhe në vijim i dërgon me sms shtetasit Albert Zhilla me përmbajtjen: “Personi është Orion Bali dhe gjyqi është në datën 22 në Gjykatën e Apelit Korçë”.

Më datë 22.07.2020, në orën 13:02, Skënderi komunikon me shtetasin Klaudjo Zhilla, përdorues i numrit të telefonit 069 ***134, të cilit sipas bisedës së bërë me Bertin i thotë se ka një mikun e tij atje dhe se i ka rënë Olsi Xhavellës (ky i fundit gjyqtar në Gjykatën e Apelit Korçë).

Klodi i bën me dije se problemi është se ata janë tre veta. Dy i gjen ai, njërin e ka në hotel se e ka mik edhe atë, atë me mbiemër Cara, dhe janë nga Tirana, zonja është nga Tropoja, kurse për Olsin shprehet se nuk i jep garanci sepse është zhytur keq. Skënderi, pasi e pyet Klodin nëse është në Korçë dhe ky, i përgjigjet se mund të shkojë të nesërmen.

Skënderi i bën me dije se dosja i ka rënë me short Olsi Xhavellës. Klodi i bën me dije se do të shkojë të nesërmen në Korçë, do ta thërriste Olsin, do ta takojë dhe do shikojë ku është situata e do t’i thotë.