Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Albin Kurti heq taksën për mallrat serbe! Presion nga mocioni i shkarkimit?

Politiko 20 Mars 2020, 21:20

Albin Kurti heq taksën për mallrat serbe! Presion nga mocioni i

Në kushtet kur partneri i koalicionit LDK ka njoftuar mocion mosbesimi, Albin Kurti ka hedhur hapin e parë, në dukje i shtyrë nga presioni, për të hequr taksën ndaj mallrave me Serbinë. Me anë të një njoftimi në faqen zyrtare të tij, Kurti njoftoi se “u votua me 10 vota për heqjen dhe 2 abstenim ‘Vendimi për të liruar nga tarifa 100% importin e lëndës së parë nga Serbia dhe Bosnjë-Hercegovina”, shkruan Kurti. Më tej, ai njofton se duke nisur nga mbrëmja e të premtes happen të gjashtë pikat kufitare mes Kosovës dhe Serbisë, për importimin e lëndës së parë. Ndërkohë, duket se kreu i Qeverisë Kosovare është i vendosur në për të zbatuar atë që ai e quan “reciprocitet” me Serbinë. Pasi, në deklartën e tij Kurti, shkruan se “deri më 1 prill Qeveria e Kosovës do të nxjerr një vendim tjetër për vënien e masave të reciprocitetit në vend të tarifës 100%”, thotë Kurti.

https://www.facebook.com/albini2017/photos/a.222845524882006/829926024173950/?type=3&theater

Mirëpo, ky veprim i Albin Kurtit, i parashikuar të mbahej në datën 15 mars, erdhi menjëherë sapo kreu i Partisë Demokratike të Kosovës Kadri Veseli njoftoi në një konfrencë për shtyp se “PDK-ja mbështet mocionin e mosbesimit”, ndërsa theksoi se “Albin Kurti vulosi fatin e tij duke u ikur përgjegjësive si Kryeministër”. Megjithatë, Veseli shtoi se “PDK-ja nuk dotë bëhet pjesë e kalkulimeve politike duke qëndruar në udhëheqje të opozitës në Kosovës”, ndërsa thekson se “në kushte të tjera do të kërkonte zgjedhje të parakohshme”, por thotë “se në kushtet aktuale kjo është e pamundur tani”. Megjithatë, ai duket se lë të hapur gjithçka, pasi thotë se “karshi zhvillimeve në të ardhshme, PDK-ja do të marrë vendime në interesin strategjik të Kosovës”.

https://www.facebook.com/kadriveseliofficial/videos/253908309102212/

Ndërkohë, Ramush Haradinaj gjithashtu paralajmëron fundin e qeverisë së Kurtit, duke u shprehur se “po largohet me turp”. Në një reagim në rrjetin e tij social Facebook, Haradinaj shprehet se në thelb heqja e taksës po bëhet e plotë. “Të nderuar qytetarë, Qeveria në largim nuk mundi të ikë pa e hequr taksën! Në pikën 1 hiqet taksa për lëndën e parë kurse në pikën 3 të vendimit obligon veten për heqje të plotë të taksës me 1 prill”, shkruan Ramush Haradinaj. Ish-Kryeministri shkruan se “me këtë (Albin Kurti) zhvlerësoi kundërvlerën për marrëveshjen finale dhe e humbi plotësisht kreditin te partnerët ndërkombëtarë, e posaçërisht te SHBA-ja”. Thotë Haradinaj.

Tashmë ngrihen pikëpyetje, nëse tarifa 100% për mallrat serbe u hoq nga Albin Kurti për shkak të presionit Amerikan, apo se Kurti poi frikësohet vërtet një rrëzimi të qeverisë?! Duket se opsioni i dytë është një version më i besueshëm, pasi vendimi i Albin Kurtit erdhi pasi një tjetër parti opozitare konfirmoi se është “pro” rrëzimit të qeverisë. Ndërsa më herët Ramush Haradinaj kishte zhvilluar një takim me Isa Mustafën dhe konfirmoi publikisht se AAK do të votojë pro mocionit të mosbesimit ndaj Albin Kurtit./Politiko.al/

https://www.facebook.com/RamushHaradinajOfficial/photos/a.179881242136298/1672145162909891/?type=3&theater