Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Aleanca për Mbrojtjen e Teatrit peticion deputetëve aktualë: Ky nen duhet të ndryshojë para zgjedhjeve

Politiko 3 Maj 2019, 13:18

Aleanca për Mbrojtjen e Teatrit pritet të nisë punën për mbledhjen e firmave, për një peticion drejtuar deputetëve aktualë të Kuvendit të Shqipërisë.

AMT kërkon fillimisht të amendohet neni 177 “Rishikimi i Kushtetutës”, i cili e ndalon popullin të shprehet me referendum për çështje të ndryshme.

“Ky nen mund dhe duhet të ndryshohet sa më parë, nga Kuvendi aktual, pa pritur zgjedhjet e ardhshme”, theksohet në njoftimin e Aleancës.

“Dje, shtatë partitë opozitare paraqitën platformën e propozuar prej tyre për qeverinë tranzitore. Ndonëse ndryshimi i sistemit zgjedhor nuk ishte pjesë e kësaj platforme, pasi nuk është kompetencë e qeverisë, por e Kuvendit, opozita u shpreh e vendosur për të ndryshuar sistemin zgjedhor, pas një debati të gjerë publik dhe përmes miratimit me referendum popullor.

Qëndrimi i djeshëm i opozitës ishte vijim dhe saktësim i qëndrimit të shpallur në takimin me përfaqësuesit e AMT, më 14 mars të këtij viti, në Hotel Tirana.

Me këtë rast, AMT përshëndet qëndrimin e opozitës dhe i bën thirrje asaj, që të nisë sa më parë debatin publik mbi sistemet zgjedhore dhe variantet e tyre, përparësitë dhe defektet, si edhe mundësitë praktike të zbatimit në kushtet e Shqipërisë, me pjesëmarrjen e sa më shumë individëve dhe grupimeve nga shoqëria civile. AMT është e bindur se nuk duhet humbur më kohë dhe se ky referendum duhet të bëhet sa më parë. Duke qenë të vetëdijshëm se Kushtetuta mund të ndryshohet vetëm me 3/5 e votave të deputetëve të Kuvendit, AMT gjykon se së pari duhet të amendohet pikërisht neni 177 “Rishikimi i Kushtetutës”, i cili e ndalon popullin të shprehet me referendum për këtë qëllim. Ky nen mund dhe duhet të ndryshohet sa më parë, nga Kuvendi aktual, pa pritur zgjedhjet e ardhshme.

AMT do të nisë menjëherë mbledhjen e firmave për një peticion drejtuar të gjithë deputetëve aktualë, me kërkesën për ndryshimin e nenit 177, me qëllim kalimin e së drejtës për rishikime kushtetuese, nga deputetët, tek populli. Vetëm populli duhet të ketë të drejtën të ndryshojë Kushtetutën!”, thuhet në njoftimin eAleancës për Mbrojtjen e Teatrit.

Të fundit