Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Alibeaj: Gënjeshtrat Ramës për Zaganin ia nxjerr deputeti i tij. Përballja e deklaratave kontradiktore të Kryeministrit dhe Taulant Ballës

Politiko 29 Tetor 2017, 22:05

Alibeaj: Gënjeshtrat Ramës për Zaganin ia nxjerr deputeti i tij.

Deputeti Enkelejd Alibeaj, në një deklaratë për shtyp të përcjellë nga Zyra e Shtypit të PD, e quan autogol të Ramës një deklaratë të Taulant Ballës, ku ky i fundit përgënjeshtron shefin e tij. Rama, thotë deklarata, pohoi se Dritan Zagani ishte dënuar nga Krimet e Rënda, ndërsa sot Balla tha se vendimi i përket Gjykatës së Vlorës. Një autogol i dytë, sipas PD, është edhe fakti se ish-oficeri i Policisë nuk është dënuar për shpërdorim detyre, por për largim nga vendi.

Deklarat e plotë e Alibeajt:

AUTOGOLI I RAMËS: BALLA KONFIRMON ZYRTARISHT GENJESHTRËN PËR ZAGANIN

Para dy ditësh Rama gënjeu drejtpërdrejt miliona shqiptarë, kur për të mbrojtur Tahirin dhe Habilajt, sulmoi përsëri Dritan Zaganin si “të dënuar nga Krimet e Rënda”. Sot për të dytën herë rradhazi Balla konfirmoi zyrtarisht gënjeshtrën e Ramës:

Vendimi është i gjykatës së Vlorës, dhe jo i Krimeve të Rënda, siç tha Rama.
2. Është për largim nga vendi, jo për shpërdorim të detyrës.

Pasi Zagani zbuloi dhe denoncoi trafikun e drogës së Habilajve, Saimir Tahiri dërgoi oficerët e shërbimit të kontrollit të brendshëm të Ministrisë së tij dhe e arrestoi në mes të natës.

Po këta vartës të Tahirit e paditën Dritan Zaganin në prokurorinë e krimeve të rënda. Por akuzat e tyre ishin kaq të pabaza sa Prokuroria e Krimeve të Rënda nuk e mori përsipër hetimin dhe ja kaloi çështjen Prokurorisë së Vlorës vetëm për shpërdorim detyre.

Dritan Zagani u largua nga Shqipëria sepse zbuloi se krimi dhe qeveria ishin bërë një. Zagani e kuptoi para të gjithëve se Tahiri dhe Rama ishin në shërbim të krimit dhe të vetmit oficerë policie që ata toleronin ishin ata që ngarkonin thasët e drogës dhe fiknin radarët. Zagani iku sepse e kuptoi se jeta e tij dhe e familjes së tij ishin të rrezikuara. Zvicra i dha azil politik.

Siç janë detyruar ta pranojnë vetë, dhe sic faktojnë përgjimet e Antimafias, për katër vite krerët e policisë kanë bashkëpunuar me trafikantët. Por në këto katër vite, Saimir Tahiri dhe Edi Rama kanë akuzuar, arrestuar dhe sulmuar vetëm një njeri: Dritan Zaganin. Kjo tregon më thjeshtë se gjithcka se në anën e kujt kanë qenë Saimir Tahiri dhe Edi Rama.

Pas gjithë këtij persekutimi, dëshpërimi dhe paniku i Edi Ramës tani ka arritur në nivele të tilla sa kërkon mbrojtje prej Taulant Ballës. Që ky i fundit e nxorri Ramën bllof dhe zyrtarisht gënjeshtar, është sa shenjë e trashjes së tij, aq edhe triumf i Dritan Zaganit dhe të vërtetës mbi Edi Ramën.