Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ambasada Amerikane ofron mundësinë e artë për ata që nuk kanë fituar lotarinë

Politiko 18 Maj 2017, 16:09

Ambasada Amerikane ofron mundësinë e artë për ata që

Ambasada Amerikane në Tiranë, ka shpallur aplikimet për programin veror të punësimit të këtij viti. Aplikimi për programin veror të punësimit 2017 do të fillojë në 1 mars 2017.

Në vitet e mëparshme, nxënësit shqiptarë kanë udhëtuar në qytete të ndryshme në të gjithë Shtetet e Bashkuara, ku ata përjetuan kulturën Amerikane me anë të Programit Veror të Punësimit.

Ata nga ana tjetër ndanë kulturën dhe gjuhën e tyre me komunitetet pritëse dhe dhanë një përvojë reciprokisht të dobishme ndër-kulturore në këmbim.

Nëpërmjet një postimi në faqen zyrtare të facebook-ut, ambasada amerikane njofton:

“Sa ditë e bukur sot! Kenny dhe unë po bëhemi gati për të vizituar plazhet e bukura në Vlorë dhe Sarandë këtë fundjavë. Erdhi koha për t’u zbavitur në diell! E di që shumë prej jush po bëjnë planet verore, duke përfshirë edhe Programin Veror të Punësimit. Sigurohuni që të aplikoni herët dhe të kontrolloni informacionin e përditësuar në faqen e internetit https://go.usa.gov/xNKRe”

Ambasada e SHBA-së bën publike edhe kriteret që aplikantët duhet të përmbushin:

Ata duhet të jenë studentë me kohë të plotë në një universitet të akredituar së fundmi, të cilët kanë përfunduar të paktën një semestër të vitit të parë të universitetit.

Duhet të zotërojnë mirë gjuhën Angleze, dhe të kenë rezultate të mira shkollore.

Çdo student, duhet të jetë i aftë të demostrojë se ai/ajo do të kthehet në Shqipëri në përfundim të programit. Studentët e vitit të fundit, mund të aplikojnë, por ata mund të kenë më shumë vështirësi për të dhënë prova të lidhjeve të mjaftueshme me Shqipërinë. Për ata që kanë ndjekur më pak se një vit universitet, koha e studimeve, mund të mos konsiderohet një investim i konsiderueshëm në shkollim aq sa të krijojë lidhje me Shqipërinë.

Ata duhet të kenë një vend pune të konfirmuar në Shtetet e Bashkuara, në kohën e intervistës.

Studentët me kohë të pjesshme, me korespondencë, ashtu si edhe ata që ndjekin shkolla profesionale, ata që mësojnë në distancë, dhe shkolla të mesme për të rritur, nuk kualifikohen për Programin Veror të Punësimit.

Ambasada njofton se nuk mund të miratojë vizat e Programin Veror të Punësimit për studentët që nuk marrin pjesë në një institucion plotësisht i akredituar. Studentët që ndjekin programet e akredituara brenda institucioneve të pa akredituar nuk do të pranohen. Ambasada nuk mund të miratojë çdo aplikim që nuk i plotësojnë kriteret e mësipërme.