Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ambasadori i ri amerikan vjen nga Rusia: Prioritet e Washingtonit në Serbi dhe rajon

Politiko 31 Korrik 2019, 11:41

Ambasadori i ri amerikan vjen nga Rusia: Prioritet e Washingtonit në Serbi

Gazeta Danas sipas shkrimit të Zërit të Amerikës

Kandidati për ambasador i SHBA-ve në Serbi, Entoni Godfri tha se prioritet i tij do të jetë normalizimi i marrëdhënieve mes Beogradit dhe Prishtinës dhe gjetja e një zgjidhje afatgjatë dhe të qëndrueshme.

Diplomati amerikan, i cili ka qenë zëvendës ambasador në Moskë, thotë se është i vetëdijshëm për „ndikimin malinj të Rusisë“ dhe nënvizon se është në interesin e SHBA-ve ta mbështesin Serbinë në rrugën europiane, transmeton „Zëri i Amerikës“.

Entoni Godfri ka folur para Komitetit për Punë të Jashtme në Senatin amerikan i cili duhet të vërtetojë emërimin e tij dhe pastaj për këtë do të votohet edhe në Senat me përbërje të plotë.

„Serbia është lider poitik dhe ekonomik dhe ka rol kyç në stabilitetin rajonal. Është në interesin strategjik të SHBA-ve që Serbia të zhvillohet si një komb modern, demokratik dhe europian dhe mbështesim integrimin e saj në BE. Serbia është në udhëkryq dhe liderët e saj duhet të realizojnë reforma në mënyrë që vendi të përparojë drejt BE-së“- tha Godfri në fjalën e tij para Komitetit të Senatit.

Diplomati amerikan thotë se më e rëndësishme është stabiliteti rajonal dhe se për këtë Serbia duhet të normalizojë marrëdhëniet me Kosovën në mënyrë që të përparojë në rrugën drejt antarësimit në BE.

Godfri tha se prioriteti i tij, nëse do të emërohej ambasador, do të jetë normalizimi i marrëdhënieve mes Beogradit dhe Prishtinës dhe se do t’i inkurajojë të dyja palët që të kthehen në tryezën e bisedimeve.

„Punojmë për këtë në Beograd, në Prishtinë, Uashington dhe në Bruksel për të gjetur mënyrën që Serbia dhe Kosova të gjejnë një zgjidhje dhe të heqin dorë nga hapat antiproduktivë, të cilat i ndërmarrin të dyja palët. Të dyja palët duhet të ecin përpara dhe puna jonë është t’i ndihmojmë“, tha Godfri duke iu përgjigjur pyetjes së senatores demokrate Xhin Shahin për atë se çfarë do të bëjë që Serbia dhe Kosova të arrijnë një zgjidhje.

Godfri tha se, pas shërbimit diplomatik në Moskë, „është plotësisht i vetëdijshëm për sjelljen agresive të Rusisë, ndikimin malinj të saj dhe fushatën e dezinformimit që ajo po zhvillon në Europë“, dhe se SHBA-të do të investojnë përpjekje të mëdha për t’iu kundërvënë kësaj.

Antarja demokrate e Komitetit për punë të jashtme në Senat Xhin Shahini tha se dorëzimi i para disa ditëve i automjeteve të blinduara Serbisë në Nish e shqetëson në mënyrë të dyfishtë- për atë se Rusia dëshiron të ndikojë në situatën në Serbi dhe sepse me këtë akt frikësohen vendet e tjera në rajon, duke patur parasysh „rolin e Serbisë në luftërat e viteve nëntëdhjetë“.

Kandidati për ambasador të ri në Serbi tha se qëllimi i SHBA-ve në Ballkanin Perëndimor është i kundërt me qëllimet e Rusisë, por është në të njëjtën linjë me synimin e Serbisë për tu integruar në Perëndim, dhe se ai do ta inkurajojë Serbinë për t'u integruar në Perëndim, gjë që përfshin edhe normalizimin e marrëdhënieve me Kosovën.

Diplomati amerikan tha se, nëse do të zgjidhet, do të punojë edhe për përmirësimin e marrëdhënieve të Serbisë me Bosnjë e Hercegovinën, Malin e Zi dhe Kroacinë.

Entoni Godfri nënvizoi se do të vazhdojë të bëjë presion mbi qeverinë serbe që të përfundojë hetimi për vrasjen e vëllezërve Bytyçi në vitin 1999 dhe se do të bëjë gjithçka që përgjegjësit të vihen para drejtësisë, pa marrë parasysh pozitën dhe rangun e tyre.

Kandidati për ambasador i SHBA-ve në Serbi tha se demokracia dhe shteti i së drejtës janë elementi i rëndësishëm i veprimtarisë së SHBA-ve në Serbi dhe se dëshiron të promovojë dhe mbrojë vlerat demokratike.

„Dhuna ndaj gazetarëve dhe kërcënimet me dhunë për gazetarët në Serbi rritin autocensurën dhe pengojnë mundësinë e gazetarëve që të informojnëobjektivisht opinionin publik“, thotë Godfri dhe shton se, nëse do të emërohet, do të përpiqet t’i ndihmojë partnerët serbë që të forcojnë institucionet demokratike, të mbrojnë të drejtat e pakicave kombëtare, të luftojnë kundër korrupzionit dhe të rritin liritë mediatike.

Godfri në paraqitjen para Komisionit për punë të jashtme të Senatit vlerësoi se zhvillimi ekonomik i Serbisë ka potencial të madh në sajë të fuqisë punëtore të arsimuar dhe të talentuar, vendodhjes qëështë një udhëkryq europian dhe traditës së gjatë të mikpritjes. Ai mendon se forcimi i shtetit të së drejtës do t’i mundësojë akoma më shumë Serbisë për të tërhequr investime të huaja dhe për të frenuar emigracionin e të rinjve të të arsimuarve.

„Serbia ka bërë hapa të mëdha për të reformuar ekonominë e saj, duhet të zvoglojë pengesat burokratike dhe të luftojë kundër pasojave të korrupsionit në mënyrë që të bëhet tërheqëse për bërjen e biznesit“, paralajmëron Godfri.

Ai nënvizon se do të punojë për investime të rëndësishme amerikane në Serbi të cilat deri tani kanë hapur 20.000 vende pune duke filluar që nga viti 2000.

Nënvizoi se Serbia është partner me rëndësi në marrëdhëniet ushtarake dhe dhe në misionet për ruajtjen e paqes, dhe se bashkëpunimi i Serbisë me Gardën kombëtare të Ohajos është ndër më të suksesshmit në Europë.

Për marrëdhëniet mes SHBA-ve dhe Serbisë ai thotë se kanë një histori të gjatë dhe të ndërlikuar, që nga të qënit aleatë në dy luftërat botërore e deri në kohët e vështira të viteve nëntëdhejtë të shekullit të kaluar.

Entoni Godfri momentalisht shërben si zevendës ambasador i SHBA-ve në Moskë, dhe ka pas vetes pothuajse 40 vite shërbim në Marinëdhe në diplomacinë amerikane.

Gjatë karrierës diplomatike ka qenë zëvendës ambasador në Armeni, dhe ka shërbyer rnë ambasadat në Zagreb, Dublin dhe në Minsk.

Është diplomuar në Universitetin e Kalifornisë dhe flet rusisht, turqisht dhe siç thotë edhe „gjuhën serbo-kroate“.

Është i martuar dhe ka tre fëmijë.

*Përktheu për Politiko.al: Xhelal Fejza