Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ana e errët e bizneseve në Tiranë, DW: Rryshfetet në biznesin e ndërtimit janë të zakonshme në Shqipëri

Politiko 18 Qershor 2019, 11:07
Ana e errët e bizneseve në Tiranë, DW: Rryshfetet në

Shanset e Shqipërisë për anëtarësim në BE janë të pakta. Shteti Ballkan konsiderohet si një nga vendet më të korruptuara në Europë. Rryshfetet në biznesin e ndërtimit janë të zakonshme. Në një kronikë të sajën, media prestigjoze DW na njeh me disa biznesmene nga Tirana të cilët flasin sesi kanë vuajtur nga rryshfeti në bizneset e tyre.

Ai është një nga sipërmarrësit më të mëdhenj shqiptarë. Hejredin Fratari flet për biznesin e tij në Shqipëri. Bizneset në Tiranë në pamje të parë duken sikur funksionojnë normalisht, por ato kanë një anë të errët. Në vitin 2006, Fratari u bë i njohur pasi akuzoi administratën publike në Tiranë. Biznesmeni Fratari flet për DW duke sqaruar këtë çështje:

"Po kisha një biznes dhe kisha një lejë për një tokë në Tiranë. Dikush erdhi dhe unë i thashë me sinqeritet, nëse do 100 milionë euro unë t'i jap që dhe unë ta ushtroj biznesin tim. Jo, dua paradhënie tha", sqaroi Fratari.

Ajo që është më shqetësuese në Shqipëri janë bizneset e vogla. Alberto Nasto ka një dyqan me bizhuteri në Tiranë. Ai thotë se shteti që ta kërkon troç lekun, pa u dredhur syri.

"Nuk ka më keq se ky korrupsion, që ti japësh tjetrit xhiron që ke bërë", tha Nasto.

Ministrja e drejtësisë Etilda Gjonaj thotë se qeveria po lufton korrupsionin duke bërë hapa me rëndësi, por shton se ka ende punë pasi sipas saj  korrupsioni nuk mund të vritet me një ditë.

"Shqiptarët janë të varfër. Klasa politike duhet të shkojë në burg. Aty e kanë vendin", thotë Alberto Nasto.

Pritshmëritë e Shqipërisë për tu bërë pjese e BE duket se janë shumë larg. Shteti Ballkan konsiderohet si një nga vendet më të korruptuara në Europë. Rryshfetet në biznesin e ndërtimit janë të zakonshme.

 

 

 

Të fundit