Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Analisti flet për horrorin e Kombinatit: Shqiptarët janë të gatshëm t’i ndezin qiri djallit sapo zhgënjehen nga Zoti

Politiko 7 Korrik 2020, 19:46
Analisti flet për horrorin e Kombinatit: Shqiptarët janë të

Analisti Fatos Lubonja ka tragjedinë e Kombinatit, ku nënë e bijë u vetëflijuan me qëllim për t’u ringjallur, ndërsa një tjetër nga vajzat u gjet në gjendje kritike për jetën.

Referuar vendimit të familjes për t’u vetëflijuar, Lubonja shprehet se ky është pikërisht rasti “kur njeriu bën shkurtimoren pa e besuar që Zoti që ta jep jetën dhe është ai që ta merr”.

Sipas analistit, këto janë ngjarje në përsëritje dhe se këta njerëz të indoktrinuar kanë nevojë për psikiatër.

“Ka ndodhur edhe në vende të tjera, këto janë raste ekstreme, interpretime ekstreme të dickaje që është e zakonshme në botë. Po të pyesësh besimtarët e krishterë dhe myslimanë të gjithë besojnë te parajsa. Nëse beson ai thotë pse të vuaj këtu po i jap fund kësaj jete dhe po shkoj atje. Por, këtu është ai problemi se sa natyra njerëzore duhet të besojë. Nuk është e thjeshtë kjo ngjarje.

Ideja që të pret një shpërblim, që ti jeton e vuan për një shpërblim, thua prit se pret një gjykim nga e ardhmja, kjo do thoja është një shkurtore që e kanë zgjedhur këta të indoktrinuar pa zgjidhur pjesën tjetër, duke qënë se edhe fetë e dënojnë vetëvrasjen. Besojnë te Zoti se ai është ai që na e jep jetën dhe ai na e merr. Këtu njeriu bën atë shkurtimoren pa e besuar që është Zoti që ta jep jetën. Këtu ka nevojë edhe për psikiatër. Ka grupe të till edhe në SHBA, që prisnin fundin e botës se në Bibël edhe apokalipsi parashikohet”, ka thënë ndër të tjera Lubonja.

Por a ka të tjerë besimtarë të rrezikuar nga shpëlarja e trurit? Lubonja përmendi një shprehje të Nolit për t’i dhënë përgjigje kësaj pyetjeje.

“Nuk mendoj që kjo formë bëhet kaq virusale, se shqiptarët janë të gatshëm t’i ndezin qiri djallit sapo zhgënjehen nga Zoti e thotë edhe Noli. Shqiptarët nuk shquhen për besimtarë. Problemi më i madh që kemi pasur ka qënë ai i terrorizmit, kamikazët që hedhin të tjerët në erë. Për mua kjo histori të shkëput vëmendjen nga ajo që ndodh cdo ditë që është më shqetësuese, që është krimi dhe korrupsioni”, tha analisti.

Të fundit