Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Analisti sulmon pronarët e televizioneve: Po grabisin qytetarët në bashkëpunim me Ramën, po mbushin arkat familjare

Politiko 12 Qershor 2018, 12:45
Analisti sulmon pronarët e televizioneve: Po grabisin qytetarët

Analisti Andi Bushati akuzon pronarët e televizioneve kryesore në vend për vjedhje të qytetarëve me propozimin e ri që kanë bërë. Sipas Bushatit, projektligji i ri për mediat ka për qëllim që në bashkëpunim me kryeministrin Edi Rama, të grabisë xhepat e njerëzve për të mbushur arkat e bizneseve familjare të Aleksandër Frangajt, Vjollca Hoxhës, Irfan Hysenbelliut, Ylli Ndroqit, Carlo Bollinos, etj.

“Pronarët dhe drejtuesit e televizioneve private dolën nga klandestiniteti i takimeve në kryeministri me Edi Ramën, për t’u shfaqur me zë dhe figurë në një mbledhje në Autoritetin e Mediave Audiovizive. Si në rastin e parë, ashtu edhe në këtë tubim publik, shqetësimi i tyre ishte i njëjtë: “si të grabisim xhepat e njerzve për të mbushur arkat e bizneseve tona familjare”. Tashmë dihet kërkesa e tyre. Ajo është e thjeshtë. Dyfishimi i taksës që shqiptarët paguajnë për televizionin publik, gjysma e së cilës do të ndahet për Sandrin, Vjollcën, Irfanin, Yllin, Karlon e kështu me radhë”, shkruan Bushati te ‘Lapsi’.

Bushati akuzon televizionet për dezinformim të publikut dhe bashkëpunim me Ramën, ndërsa propozimin e tyre e konsideron të ngjashëm me koncesionet dhe PPP-të e Qeverisë.

“Ky akt, me mbështetjen dhe frymëzimin e Edi Ramës, nuk ka asgjë më pak sesa tenderat, koncesionet dhe PPP më skandaloze që janë dhënë këto oesë vitet e fundit. Njësoj si ato të gjitha udhëhiqen nga një devizë: pasurimi i një kaste të vogël, në dëm të pjesës më të madhe të shqiptarëve. E kryer nga një qeveri që erdhi në pushtet në emër të interesave të 95% të shqiptarëve të varfëruar nga 5 % prej tyre, ky është një skandal. Por kur pjese e kësaj farse bëhen edhe të gjitha mediat kryesore të vrndit, që supozohen si një kundërpushtet që duhet të mbrojë interesat e publikut, atëhere skandali këtu rezulton te jetë bërë mullar”, shkruan analisti.

Të fundit