Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Andi Bushati komenton përplasjen Rama-TCH: Vjollca Hoxha ka të drejtë, janë arsye ekonomike dhe historike

Politiko 11 Nëntor 2017, 09:38

Andi Bushati komenton përplasjen Rama-TCH: Vjollca Hoxha ka të

Andi Bushati mendon se është zyra e shtypit e kryeministrit ajo që po shpërndan ngado lajmin se kritikat e fundit të Top Channel po bëhen pasi Vjollca Hoxha nuk ka arritur të emërojë njeriun e saj në krye të Postës Shqiptare. Por nuk është vetëm kjo thashethemnajë që po shpërndahet nga njerëzit pranë kryeministrit Edi Rama, shprehet Bushati, duke treguar për një tjetër lajm ku pretendohet se Hoxha po ndjen xhelozi ndaj Tv Klan, që po merr benefite publike nga qeveria.

“Askush nuk mund të vërë bast nëse këto pretendime janë thjeshtë “Fake neës” apo të vërteta fatkeqësisht të hidhura”, shkruan analisti te ‘Lapsi’, ndërsa theksonte Vjollca Hoxha ka të drejtë ndaj Edi Ramës për shkak të dy arsyeve, ekonomike dhe historike.

Shkrimi i plotë:

Aludimet kanë vazhduar edhe më tej. Zyra e shtypit të kryeministrit po shpërndan ngado lajmin se të gjitha kritikat e artikuluara në javën e fundit nga Top-i janë rezultat i një hakmarrjeje meskine. Sipas tyre ato vijnë me urdhër nga presidentja e TV, Vjollca Hoxha e cila ka dështuar në një inisiativë për ta trajtuar pushtetin e rilindjes si tepsi dhe për të vendosur një njeriun e saj në krye të një ndërmarjeje të rëndësishme publike.

Sikur kjo thashethemnajë të mos mjaftonte, njerëz shumë pranë Ramës po e arsyetojnë hidhërimin e znj. Hoxha me një lloj xhelozie që ajo ka ndaj konkurentit të saj kryesor, TV Klan, dhe benefiteve publike që atij po i jep qeveria.

Askush nuk mund të vërë bast nëse këto pretendime janë thjeshtë “Fake neës” apo të vërteta fatkeqësisht të hidhura.

Askush, po ashtu, nuk mund të vërë dorën në zjarr se pronarët e mediave të mëdha në këtë vend, – e këtu nuk bën përjashtim as znj. Hoxha – nuk vendosin të tilla raporte me pushtetin dhe nuk kanë me kryeministrin marëdhënie që shkojnë në dëm të interest publik.

Por, pavarësisht nga këto, le të besojmë për një moment se shpjegimi që po përpunohet në zyrat e kryeministrisë është real. Le ta marrim të mirqenë se Top Channel ka filluar të shkrepi armët kundër Ramës, pasi pronares së tij nuk i’u bë një favor. Le të pranojmë symbyllur se revolta që vjen nga piramida, është rjedhojë e konkurencës së pandershme që po i bën Tv Klani i mbështetur nga përfitimet që po merr nga lidhja me Ramën.

Pra edhe po të pranojmë se në kontekstin e këtij sherri nuk ka asgjë të kulluar, parimore dhe në dobi të publikut, përsëri Vjollca Hoxha ka të drejtë ndaj Ramës.

Dhe kjo për dy arsye kryesore, si ekonomike, si historike.

Së pari ekonomikisht, në sistemin që ka ngritur Edi Rama, Top Chaneli nuk mund të mbijetojë, kur financat e konkurentit të tij kryesor, bymehen nga qeveria me leje për grataçiela, tendera publikë, hapje rrugësh të reja që çajnë malet.

Nëse në konkurencën e vështirë të tregut të televizioneve, dikë që di të shërbejë si bythëlëpirës më i mirë, qeveria e shpërblen më shumë, kjo padyshim do ngjalli revoltën njerzore të palës tjetër.

Por, përpos anës ekonomike, Top Channel ka edhe një raport moral dhe historik me të shkuarën e vet të afërt. Për çdo drejtues të këtij institucioni, për çdo gazetar me emër të tij, është e pakapërdishme që një qeveri në hall, siç është kjo e Edi Ramës sot, t’u bëjë favore atyre mediave që u reshtuan dje me një qeveri tjetër në hall, atë të Berishës, pas Gërdecit dhe 21 janarit. Për secilin nga ata besoj se është e papranueshme që gjithmonë të gjejnë palë me kryeministrin të njëjtët që ishin pro gardistëve të djeshëm dhe të njëjtit që janë pro kanabistëve të sotëm.

Prandaj, sado të paprincipta që të jenë në dukje, sado të papranueshme të ngjajnë në formë, sado të nxitura nga histeritë, qefmbetjet apo xhelozitë e znj. Hoxha të duken sulmet e Topit ndaj Ramës, në thelb ato janë legjitime. Sado që të ketë përfituar prej tij, sistemi i ngritur nga kryeministri, i ka rënë në qafë televizionit më të madh në vend. Ai ka rritur dhe bymyer artificialisht rivalët, vetëm për faktin e thjeshtë se ata dinë të shërbejnë më mirë.

Ndërsa, nga ana tjetër, për historinë e përbashkët dhe për të rrugën prej nga vijnë, Rama e ka moralisht të pamundur të hedhi baltë mbi Top-in. Socialistët e zakonshëm nuk do ia kuptonin një piruetë të tillë. Ai nuk e ka luksin të dalë para kamerave dhe të thotë: “Të fala Vjollcës”.

Prandaj, përpara se të bëjë moralistin fallco, atij i leverdis më mirë të sillet (ashtu siç ka bërë në fakt gjithmonë) si shefi i vërtetë i tepsisë dhe të dorzojë pak llokma pushteti edhe për një media tjetër kazani. Dhe mos e ketë merak, në Klan askush nuk do t’i zëmërohet. Sepse ata dinë gjithnjë të marrin diçka më shumë.