Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

“Anti KÇK”, Lleshaj: Me vendime përtej logjikës, janë liruar 28 kriminelë të rrezikshëm

Politiko 5 Mars 2020, 12:23

“Anti KÇK”, Lleshaj: Me vendime përtej logjikës,

Ministri i Punëve të Brendshme, Sandër Lleshaj, duke folur nga foltorja e Kuvendit, shpjegoi arsyet se përse Këshilli i Ministrave kaloi me akt normativ, masat parandaluese në kuadër të forcimit të luftës kundër krimit të organizuar. Sipas tij, ky vendim synon të vendosë një drejtësi në një shoqëri që aktualisht ka sipas tij të rinj analfabet dhe milionerë. Më tej ministri shtoi se kjo emergjencë lindi pasi shumë persona të drejtësisë nuk ia dolën në vetting.

"Ne besojmë se ka ardhur momenti për një kthesë serioze, historike, për të shkatërruar modelet që shkatërrojnë shoqërinë nëse lihen të mbijetojnë kështu siç janë. Akti normativ, jo thjesht se na e kërkon BE, se këtë pastrim të thellë e kërkon integrimi, por e kërkon e ardhmja jonë. Vendim unik, i panjohur më parë, në bazë të një recete origjinale, që synon së pari të vendosë drejtësi në një vend që ka munguar. Sot rezultojnë në një shoqëri që kemi të rinj analfabet dhe milioner. Janë krijuar modele kriminale biznese dhe kanë joshur të rinjtë. Ky model ka shkatërruar rininë, por edhe bizneset që nuk gjejnë hapësirë për tu zhvilluar. Akti ka një kryefjalë, parandalim të krimit. Është krijuar nevoja e emergjencës, pasi pas vettingu rezultoi se shumë persona të drejtësisë nuk ia dilnin. Rreth 50% e gjyqtarëve dhe prokurorëve që janë futur në vetingut nuk ja kanë dalë vlerësimit”, tha Lleshaj.

Ndër të tjera ai përmendi edhe lirimin e të burgosurve me rrezikshmëri të lartë, si një nga faktorët që nxitën qeverinë që të kalonte me akt normative masat kundër krimit të organizuar.

“Përmes vendimeve të papërgjegjshme është mundësuar sidomos vitin e fundit kryesisht dhënia e vendimeve që janë jo vetëm përtej ligjit, por edhe përtej logjikës, mbi 28 vendime, që provojnë këtë situatë të papranueshme. Përmes këtyre vendimeve, po lirohen elementë me rrezikshmëri të lartë kriminale, që sipas pritshmërive të policisë, duhej të ishin në burg. Ndërkohë që policia operon përditë për të çuar elementë kriminale para drejtësisë, burgjet po furnizojnë skemën e krimit me kriminelë të tjerë të dënuar dhe të liruar në kushte absurde. Dalin dhe kanë jashtë edhe logjistikën e madhe kriminale. Ne besojmë fort që kemi një situatë emergjence, e cila duhet adresuar në kushte emergjente përmes aktit normativ", vijoi ministri i Brendshëm.

Lleshaj bëri me dije se veprimtaria e këtij akti përfundon më 31 dhjetor, por mund të shtyhet, nëse gjykatat përballen me një numër të lartë subjektesh që nuk justifikojnë pasurinë.

Në fund ministri ftoi të gjithë deputetët që të votojnë ligjin, pasi në këtë mënyrë i jepet një mesazh i fortë krimit.