Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Anulimi i takimit të Sekretarit amerikan Pompeo me Merkel, i SHPJEGUAR

Politiko 8 Maj 2019, 15:47

Anulimi i takimit të Sekretarit amerikan Pompeo me Merkel, i SHPJEGUAR

Gjithkush e di që gjermanët e urrejnë vonesën. Por, nëse doni me të vërtetë ta acaroni një teuton, anuloni një takim në minutën e fundit, shkruan POLITIKO.

Pyesni Sekretarin e Shtetit të SHBA-ve, Mike Pompeo, i cili anuloi një udhëtim në Berlin duke shpërfillur kancelaren, Angela Merkel dhe ministrin e Jashtëm, Heiko Maas.

"Kjo është e vështirë për të justifikuar", shkruante Süddeutsche Zeitung, buletini i përditshëm i elitës borgjeze të Gjermanisë. Çfarë mund të kishte qenë më "urgjente" sesa çka do të ishte vizita e parë zyrtare e Pompeos në Berlin si Sekretar i Shtetit, pyeste gazeta.

Që përgjigja për këtë pyetje, të paktën në pikëpamjen e Pompeos, ishte Irani, vetëm sa i tërboi më shumë gjermanët. Berlini vazhdon të kapet te iluzioni se Europa mund t'a shpëtojë marrëveshjen bërthamore me Iranin, që Shtetet e Bashkuara të Amerikës braktisën një vit më parë, dhe e konsiderojnë politikën amerikane ndaj Teheranit si luftënxitëse.

Fakti që Pompeo 'e kapërceu' Berlinin për t'u këndellur në ca kërcënime lufte ndaj Iranit nëpërmjet Bagdadit vetëm sa i shtoi fyerje lëndimit.

Reagimi zyrtar i Gjermanisë ndaj anulimit ka qenë vetëpërmbajtja. Në prapaskenë zyrtarët janë të zemëruar.

Ndërsa kjo ndodh, pjesërisht për shkak të gjendjes së vështirë të marrëdhënieve gjermano-amerikane në epokën Trump, por edhe si pasqyrim i rëndësisë së madhe të ritualit në politikën e jashtme gjermane.

Sado e trazuar të bëhet marrëdhënia e Gjermanisë me një vend tjetër, aq më shumë u bindet ritualeve të diplomacisë ndërkombëtare.

Në pikëpamjen gjermane, dialogu, sado pa substancë të jetë, është më i preferueshëm se sa heshtja. Ja për shembull, angazhimi i vazhdueshëm i Merkel me Vladimir Putinin pas sulmeve të Rusisë në Ukrainë. Udhëheqësja gjermane foli dhjetëra herë me të pas aneksimit të Krimesë nga Rusia.

Ndonëse përpjekjet e saj nuk arritën ta bindnin Putin për të ndryshuar kurs, audienca gjermane i dha një '10' për përpjekjet.

Pra, edhe nëse vizita e Pompeos nuk premtonte të arrinte më shumë se një foto, dhe disa fjalime të vogla, gjermanët prisnin që ai, megjithatë, t'a bënte ritualin.

Nuk ka gjë se Pompeo e bëri të qartë se planifikon të vijë në Berlin në të ardhmen e afërt; mos-ardhja e Sekretarit nuk ishte asgjë më pak se një fyerje.

Pra, sa të mërzitur janë ata?

"Marrëdhënia gjermano-amerikane është bërë copash" përfundon Süddeutsche.

*Shkrimi eshte pershtatur nga gazeta POLITIKO. Perkthimi dhe titujt jane te Politiko.al