Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Arbitrazhi jep verdiktin, shqiptarët do paguajnë 154 mln euro për dy vendime të Ramës

Politiko 7 Shtator 2020, 07:44

Një tjetër vendim i gjykatave ndërkombëtare ka penalizuar shqiptarët.

Gjykata Ndërkombëtare e Arbitrazhit e Dhomës Ndërkombëtare të Tregtisë në Paris ka vendosur që qeveria shqiptare të paguajë 44 mln dollarë pas humbjes së gjyqit me firmën greke ‘Aktor’.

Shkak për këtë vendim është bërë anulimi i kontratës për ndërtimin e autostradës Tiranë-Elbasan.

Denoncimi i PD

Në një prononcim për mediat, dje ish-deputeti i Partisë Demokratike, Gent Strazimiri ka akuzuar Ramën për shumën e majme që Shqipëria pritet t’i paguajë kompanisë greke “Aktor”, duke thënë se po gjobit shqiptarët me 44 milion euro me qëllim që të linte projektin dhe të favorizohej një tjetër kompani, për interes të mikut të Taulant Ballës, Edmond Bego.

“Gjykata e Arbitrazhit Ndërkombëtar ka dënuar shtetin shqiptar pas padisë së kompanisë greke Aktor, e cila kishte fituar tenderin për të kryer punimet në rrugën Tiranë-Elbasan.

Kompania greke ishte kontraktuar nga qeveria shqiptare për të bërë punimet shtesë, por Edi Rama në mënyrë që të favorizonte kompaninë e mikut të tij dhe të Taulant Ballës “Inerte Ekspress” te Begos vuri gjoba, bëri presion dhe tentoi që të largonte kompaninë Greke Aktor e cila mbasi mori nënkontraktorët e imponuar nga qeveria u largua pa marrë asnjë pagesë.

Për këtë arsye Aktor iu drejtuar Gjykatës së Arbitrazhit Ndërkombëtar duke paditur qeverinë shqiptare.

Me 1 shtator 2020, pra vetëm 5 ditë më parë, Arbitrazhi shpalli vendimin që i jep të drejtë kompanisë greke dhe dënon Shqipërinë ta dëmshpërblejë atë me plot 44 milion euro.

Pra, qeveria shqiptare, për të favorizuar kompaninë e Edmond Begos me shokë ngarkon në këtë mënyrë buxhetin e shtetit shqiptar i cili sigurohet me taksat e qytetarëve shqiptarë”, tha dje ish-deputeti.

110 mln euro, fatura e majme edhe ndaj Bechetti-t

Shqipëria duhet të shlyejë një tjetër faturë të majmë si pasojë e vendimeve të marra nga qeveria Rama.

Buxheti i shtetit duhet t’i paguajë 110 milion euro biznesmenit dhe ish-pronarit të televizionit ”Agon Channel” Francesco Becchetti”.

Kjo për shkak Gjykata e Arbitrazhit ka vendosur që mbyllja e televizionit ishte e paligjshme nga ana e qeverisë.

Fatura, që përbën një goditje fatale për financat e shtetit është gjoba më e madhe që ka marrë ndonjëherë Shqipëria nga një gjykatë ndërkombëtare. Këtë faturë, qytetarët shqiptarë do ta paguajnë për shkak të deklaratave të kryeministrit Edi Rama në media dhe rrjetet sociale në qershor të vitit 2015.

Pas një kalvari të gjatë gjyqësor, gjykata i ka dhënë të drejtë Becchettit duke e gjetur kryeministrin dhe qeverinë shqiptare fajtore, dhe duke e dënuar Shqipërinë me faturën e çmendur prej 110 milionë eurosh.

https://politiko.al/shqiperia-gjobe-44-mln-pas-vendimit-ne-arbitrazh-mie-i-hedh-pergjegjesine-pd-lsi-ata-gatuan-corben-me-te-madhe/