Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ardian Vehbiu për protestën: Qeveria aktuale të zëvendësohet nga ekipi që do realizojë reformën radikale të arsimit të lartë

Politiko 9 Dhjetor 2018, 18:52

Ardian Vehbiu për protestën: Qeveria aktuale të

Publicisti Ardian Vehbiu e konsideron mbresëlënëse protestën që studentët po zhvillojnë prej gati një jave në Tiranë dhe në qytetet e tjera të vendit.

Në komentin e publikuar në “Peizazhe”, Vehbiu thotë se kjo protestë është “shuplaka e duhur një regjimi që prej vitesh po e fsheh impotencën e vet pas arrogancës dhe inkompetencën pas ekzibicionizmit prej kuplaraje.”

Gjithsesi, publicisti vë në dukje se kësaj proteste i mungon ende diçka, që sipas tij është artikulimi politik.

Në fakt protesta është politike; dhe i mbetet që ta fitojë sa më shpejt vetëdijen e qartë, publike, për këtë; dhe të mos lejojë forca politike parazitare që të përfitojnë “falas” nga mobilizimi i tyre dhe energjia e protestës. Duke filluar nga vetë kërkesat që janë parashtruar deri më tash, dhe që nuk po më duken në lartësinë e mobilizimit dhe as të virtytit kolektiv të pjesëmarrjes”, shkruan Vehbiu.

Ai thotë: Studentët dëshpërohen për tarifat e larta jo pikërisht sepse nuk i përballojnë dot, por sepse këto tarifa nuk u garantojnë asgjë – as punësim të mirë, as status, as mundësi për karrierë. Investimi që bëjnë ata vetë për të marrë arsim të lartë nuk u kthen praktikisht asgjë. Prandaj edhe kjo protestë, si ajo e krizës së shoqërive financiare të vitit 1997 (piramidave) i detyrohet, në thelb, zhgënjimit të investorëve që e shohin veten të prerë në besë dhe të braktisur prej shtetit; në kuptimin që tarifat janë duke i përjetuar si taksa. Po të ishte universiteti publik i lakmueshëm dhe i nivelit mesatar europian, askush nuk do të ankohej për këto tarifa. Prandaj ka ende kohë që protesta ta shprehë si objektiv të vetin kryesor dhe të vetëm reformën themelore të Universitetit Publik, me synim përmirësimin e të gjitha parametrave cilësorë – nga struktura e lëndëve, të profili i pedagogëve, te numri i studentëve, te bibliotekat dhe laboratorët dhe terrenet sportive dhe institucionet kulturore satelitore dhe kështu me radhë.”

Ardian Vehbiu sheh si zgjidhje për këtë situatë vetëm një projekt “për elitarizimin të Universitetit Publik, nëpërmjet numrit të mbyllur; në kuptimin që vetëm studentët e shkëlqyer të fitonin, me konkurs, të drejtën për të studiuar falas, ndërsa të tjerët të kanalizoheshin drejt zgjidhjeve të tjera – instituteve profesionale, universiteteve private – të mbrojtur nga një legjislacion i cili t’u lejonte të paguanin studimet me hua të buta (të shlyeshme vetëm pas mbarimit të studimeve dhe vetëm sa kohë që studentët tashmë të diplomuar të jenë në punë); kombinuar me një sistem bursash dhe ndihmash për ata më në nevojë.”

Shkrimin për këtë çështje, Vehbiu e mbyll me kërkesën për zëvendësimin e qeverisë ekzistuese me një ekip që do të realizojë reformën radikale në arsimin e lartë.

“Prandaj objektivi logjik i protestës së tanishme do të ishte të paktën riformulimi me themel i qeverisë ekzistuese dhe zëvendësimi i saj me një ekip në gjendje të realizojë reformën radikale të arsimit të lartë”, thekson publicisti.

Shkrimi i plotë i Ardian Vehbiut: Për protestën e studentëve