Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Arrestimi i Gjuriç, mediat serbe flasin për “shpallje lufte”, ministri kërkon ndërhyrjen e Rusisë

Politiko 27 Mars 2018, 11:52
Arrestimi i Gjuriç, mediat serbe flasin për “shpallje

Mediat në Serbi e kanë paraqitur ngjarjen e djeshme të arrestimit të shefit të së ashtuquajturës Zyrë për Kosovën në Qeverinë e Serbisë, Marko Gjuriç, si “shpallje lufte” nga Presidenti i Kosovës, Hashim Thaçi, raporton Exspress.

Gazeta “Alo”, në ballinë të numrit të sotëm, shkruan: “Dramë në veri të Kosovës: Thaçi na shpalli luftë”.

“Informer” shkruan: “Dhunë e tmerrshme shiptare në krahinën jugore: E arrestuan Gjuriçin, paralajmërohet luftë në Kosovë”.

“Sulm nga Prishtina: Shqiptarët sulmuan në veri të Kosovës”, është titulli i “Novostit”.

“Blici” shkruan: “Njësia Speciale ROSU arreston Gjuriçin, tensione në Kosovë”.

“Sulm nga ROSU në veri të Kosovës” është titulli i “Politika”.

“Srpski Telegraf” shkruan thjesht: “Specialët shqiptarë arrestuan Gjuriçin: Me shok-bomba sulmuan serbët”.

E përditshmja tjetër serbe “Danas” shkruan: “Me vendimin e autoriteteve të Kosovës që të mos lejojnë hyrjen e asnjë prej ministrave përkeqësohen raportet mes Beogradit dhe Prishtinës: Rriten tensionet në Mitrovicë, arrestohet Marko Gjuriç”.

“Dnevnik” shkruan: “Presidenti Vuçiç mbrëmë thirri një mbledhje urgjente të Këshillit të Sigurisë Kombëtare pas arrestimit të Marko Gjuriçit në Mitrovicë: Shok-bomba, gaz lotsjellës dhe tyta të gjata ndaj serbëve”.

Kujtojmë se Gjuriç u arrestua dje pas orës 17:00 në Mitrovicë, derisa po zhvillonte një tubim në kuadër të dialogut për Kosovën, iniciativë kjo e presidentit serb, Aleksandar Vuçiç. Atij, së bashku me një grup tjetër politikanësh serbë, u ishte refuzuar kërkesa për hyrje në Kosovë.

Kryeministri i Kosovës, Ramush Haradinaj ka thërritur një mbledhje të Këshillit për Sigurinë Kombëtare në orën 13:00.

Ndërkohë që Beogradi ka vijuar sot me reagimet kundër Prishtinës. Ministri i Jashtëm, Ivica Daçiç ka mbledhur në takim ambasadorët e shteteve perëndimore, ndërsa ministri për Inovacionin, Nenad Popoviç ka kërkuar përfshirjen e Rusisë në dialogun Kosovë-Serbi.

Këto janë shtetet e Ballkanit Perëndimor që nuk përjashtuan asnjë diplomat rus

Të fundit