Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Arrestimi i Arbër Çekaj, zv.ministri i Brendshëm jep detaje: Po hetohet për persona te tjerë; kur do ekstradohet

Politiko 5 Maj 2018, 19:38
Arrestimi i Arbër Çekaj, zv.ministri i Brendshëm jep detaje: Po

Për arrestimin e pronarit të “Arbi Gadren” ka dhënë detaje sot zv.ministri i Brendshëm Besfort Ramallari.

I ftuar në emisionin “Kjo Javë” të Nisida Tufës, Ramallari u shpreh se po vijojnë hetime për raste të personave të tjerë të dyshuar si të përfshirë në trafikun e drogës, në vende të ndryshme të botës.

Zv.ministri dha detaje nga operacioni i policive, “Nga momenti që është realizuar sekuestrimi i sasisë rekord të kokainës, tre orë më pas u realizua kontaktimi i autoriteteve ndërkombëtare, pasi kishte dyshime se administratori i kompanisë ku u gjet droga ndodhej në Gjermani. U kryen një sërë operacionesh të fshehta që të bëhej lokalizimi i shtetasit Arbër Çekaj. Paraditen e djeshme u bë i mundur edhe arrestimi i tij në Dyseldorf”.

Më tej Ramallari tha se ka dyshime për të tjerë të implikuar në çështjet e drogës, por pa dhënë shumë detaje.

“Ka patur ekspertë nga policia shqiptare që janë nisur në Gjermani, dhe kanë bashkëpunuar me autoritetet atje. Së fundmi ata janë kthyer në Shqipëri, pas bashkëpunimit. Jemi shumë të interesuar që këto hetime të shkojnë sa më larg, dhe të arrihet rezultate konkrete. Vazhdojnë hetimet për personat e implikuar”, u shpreh Lamallari.

Ndërsa i pyetur më tej se kur do bëhet ekstradimi i Arbër Çekajt në Shqipëri, Ramallari tha se po punohet për realizimin e procedurave.

“Është kërkuar që kjo kërkesë për ekstradim të paraqitet sa më shpejt në mënyrë diplomatike. Synohet që në një periudhë sa më të shpejtë të bëhet i mundur edhe ekstradimi. Nuk mund të flasim për afate kohore konkrete ekstradimi, sepse varet nga ecuria e procedurave”, u shpreh më tej ai.

Të fundit