Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artan Fuga për Belinda Ballukun dhe Gent Cakajn: ‘Deklarata kineze’ dhe oratori boshe në Varshavë

Politiko 13 Prill 2019, 13:24
Artan Fuga për Belinda Ballukun dhe Gent Cakajn: ‘Deklarata

Akademiku Artan Fuga ka komentuar disa nga ngjarjet e fundit ku të përfshirë janë ministrja e Transportit, Belinda Balluku dhe Gent Cakaj, ministri në detyrë për Punët e Jashtme.

Sa i përket përplasjes së Cakajt në Varshavë me ministrin e Jashtëm serb, Ivica Daçiç, Fuga e konsideron “oratori boshe”, duke mos kursyer as kritikat ndaj mediave.

“Hajde media hajde! Ministri i jashtëm i Shqipërisë, që në fakt nuk është, gjoja ministri i jashtëm, qenka përplasur me ministrin e jashtëm të Serbisë, që në fakt është! Pret lexuesi ndonjë përplasje për kufij, taksa, integrime, a ku e di unë se për çfarë. Debati thotë media paska qenë për motët e gjoja ministrit të Shqipërisë dhe motët e përvojës të ministrit serb! Uaaaa, paskan bërë namin! I ngjan me tepër një shfaqjeje të koduar dashurie midis brezash. Dhe ku? Mu në Varshavë! A ju kripsha mendtë ju kripsha. Nuk gjetët ndonjë gjë më pak idiote se kjo për t' bërë jehonë Traktatit të Varshavës”, shkruan Fuga.

Në lidhje me grabitjen e 6.5 milionë eurove në aeroportin e Rinasit, Artan Fuga thotë se po kërkohet që “kinezit t’i lihet kopili te dera”. Ai deklaron se ministrja Balluku ia fut kot me deklaratat që bën, të cilat i konsideron “deklarata kineze” si ato të viteve ’70.

“Mirë brenda aeroportit nuk lika kinezi me u afrua "kom shqiptari", po aeroportin si territor nuk e kontrollojmë dot ne? Ta mbikqyrim nga maja e pemës me dylbi, nga frengjitë e kalasë të Krujës me tejqyrë, nga Kalaja e Prezës me byth gjymi! Nuk vëzhgohen dot blindat që hyjnë nga dera dhe dalin nga dera në mes të ditës! Apo e edhe aty nuk na le Kinezi!!! Hajde kineza hajde! Cfarë kontrolli mbi territorin!!! Mjafton ndonjë naço nga të lagjes sime, me e lënë në majë të ndonjë peme duke pi raki në Prezë për t'a mbajtur territorin nën vëzhgim e mos me lënë me kalu as miza pa e regjistruar! Ne ose jemi idiotë, ose jemi gjeni që bëjmë si idiotë! Nuk kuptoj se përse ja fut kot Balluku!!! Kupton gjë ajo nga kontrolli i territorit apo nga politikat e mbrojtjes të zonave strategjike të vendit apo yxhym përpara jep deklarata kineze si ato të viteve '70 nëpër televizione! Mjaft pash nderin se u shkrimë duke qeshur! Ore kinezit i marrim të keqen ne! Ku kinezi që është fuqia e parë në botë për kërkim shkencor dhe nesh që jemi akoma te sqepari. Ne as ujgurë nuk jemi”, shprehet Fuga.

Të fundit