Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artan Hoxha tregon prapaskenat e vrasjes në Tropojë dhe bën një paralajmërim

Politiko 6 Janar 2020, 18:13

Gazetari Artan Hoxha mendon se vrasja e Guxim Gjuriqit në Tropojë ka ndodhur për shkak të vëllait të viktimës, i cili ishte mik i Haklajve. Ai tregoi se dyshohet se autorët ishin tre dhe se 47 vjeçari u eliminua, nisur nga fakti se i vëllai i tiji gjendet në Amerikë.

“Dyshimet e mëdha janë se viktima është një lloj shpagimi për mungesën e vëllait të tij që është në Amerikë. Kam lexuar në portale që është djali i tezes së Fatmir Haklajt. Nuk është djali i tezes së Fatmir Haklajt, por ata kanë një lidhje fare fisnore. Por lidhja që ka pasur vëllai i të ndjerit me Fatmir Haklajn është më shumë se kushërinj, Agron Gjuriqi ka qenë shok me Fatmir Haklajn.

Gjuriçi ka qenë shef i zyrës së pasaportave. Vëllezërit Gjuriqi nuk kanë qenë të përfshirë, lidhur me serialin e Haklajkve, Guximi nuk ka lidhje direkte, por vëllai i tij ka qenë shumë mik i tyre”, tha Hoxha për Abc neës.

Ai bëri edhe një paralajmërim pas kësaj vrasjeje ndërsa dyshon se vrasja ka lidhje me konfliktet e Haklajve.

“Vërtet janë ngjarje që kanë ndodhur në shekullin e kaluar, por pikërisht në datën 5 janar 1998 është vrasja që ka nxjerrë nga shinat Fatmir Haklaj, u vra i vëllai i tij Shkëlqim Haklaj. Policia duhet të marrë masat që kjo ngjarje të zbardhet sa më parë pasi rrezikon që të kthehet në një zinxhir vrasjesh si në 1999-2000.

Nuk mundet që personat që jetojnë atje të mos reagojnë ndaj kësaj vrasjeje pasi vetë vendi, shoqëria, ambienti nuk ua lejon këtë. Prandaj policia duhet të gjejë autorët për të shmangur një seri të re vrasjesh“, theksoi ai.

Të fundit