Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artikulli i “The Economist”: Yjet e muzikës pop me rrënjë shqiptare po pushtojnë botën

Politiko 2 Tetor 2020, 15:35

Artikulli i “The Economist”: Yjet e muzikës pop me

Çfarë kanë të përbashkët Dua Lipa, Rita Ora dhe Ava Max?

Yjet e muzikës pop me rrënjë shqiptare po pushtojnë botën.

Deri vonë shqiptarët etnikë më të njohur ishin Nënë Tereza (një murgeshë që kujdesej për jetimët dhe lebrozët në Indi) dhe Enver Hoxha (një despot komunist vrasës).

Tani shenjtores dhe mëkatarit i janë shtuar edhe këngëtarët.

Ata janë kudo. Dua Lipa ka 55 milion dëgjues në muaj në Spotify, një platformë muzikore.

Bebe Rexha ka 24 milion dëgjues.

Rita Ora ka qenë 5 herë në krye të klasifikimit britanik me singëllat e saj dhe gjithashtu ka qenë një nga gjyqtaret në jurinë e "X Factor".

Era Istrefi këndoi në Kupën Botërore të futbollit në 2018.

Njomza Vitia, një kantautore dhe Labinot Gashi, një reper, kanë miliona ndjekës.

Soloja e Ava Max "I ëmbël por psiko" konsiderohet botërisht më argëtuese sesa botimet letrare të Hoxhës, "Shqipëria sfidon revizionizmin e Hrushovit”.

Të gjithë këta megastarë të trashëgimisë shqiptare përveç Era Istrefit, u rritën në diasporë. Dua Lipa, Eva Max, Bebe Rexha dhe Njomza Vitia kanë lindur, respektivisht, në Londër, Milwaukee, Brooklyn dhe Stuttgart. Vetëm Max ka rrënjë në Shqipëri, pjesa tjetër janë me prejardhje kosovare, përveç Bebes, familja e së cilës, vjen nga Maqedonia e Veriut.

Gjatë historisë, thotë Dukagjin Lipa, babai i Duas, shqiptarët janë shtypur, por suksesi i kësaj gjenerate muzikantësh tregon se "nëse na jepet mundësia, ne shkëlqejmë". Yjet e diasporës shpesh interpretojnë në shtëpi, duke u mbështjellë me flamuj kosovarë ose shqiptarë.

Besa Luci, redaktore e revistës "Kosova 2.0", thotë se ata vetë ndiejnë nevojën për të përfaqësuar kombin dhe në këmbim marrin një lum me dashuri. "Në zemrën time rrjedh gjak shqiptar”, tha Bebe në një vizitë në Shqipëri. Në korrik, Dua u vendos në qendër të polemikave pasi postoi një hartë të lidhur me nacionalistët ekstremë shqiptarë që tregonin një Shqipëri të Madhe. Ajo më vonë tha se postimi i saj ishte "keqinterpretuar".

Prindërit e yjeve që u rritën jashtë vendit u larguan nga Ballkani në fillimet e trazuara të viteve 1990. Por këto nuk janë gjithmonë histori tipike të refugjatëve që bëhen të pasur. Familjet Ora dhe Lipa ishin pjesë e elitës së Kosovës. Të dy vajzat u arsimuan në shkollat e artit elitë të Londrës.

Yjet e popit, së bashku me një tufë futbollistësh shqiptarë në ekipe të larta në të gjithë Evropën, luajnë një "rol tepër të rëndësishëm" për të ndihmuar në ndryshimin e imazhit të shqiptarëve nga konfliktet, thotë Petrit Selimi, një ish-ministër i jashtëm i Kosovës.

Në vitin 2016, Oura performoi në Romë për të festuar shenjtërimin e Nënë Terezës./Burimi:The Economist// Përshtati:Politiko.al