Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artistët kundër Erion Veliajt për prishjen e teatrit: Bashkia, jo transparente! E rikonstruktojmë vetë

Politiko 8 Mars 2018, 19:01
Artistët kundër Erion Veliajt për prishjen e teatrit: Bashkia, jo

Prishja e Teatrit Kombëtarë është rikthyer sërish në qendër të vëmendjes, pasi një heshtje disa ditore. Ndonëse kryetari i Bashkisë, Erion Veliaj u përpoq të bindte disa artist, se projekti i ri i Teatrit Kombëtarë do të ndihmonte zhvillimin e kulturës, artistët nuk kanë rënë dakord me propozimin e tij.

Ata bënë një mbledhje të hapur për të diskutuar ndryshimet e propozuara nga Ministria e Kulturës, në ligjin “Për Artin dhe Kulturën” dhe Transparencën për ndërtimin e TK. Sot, ata thonë që ka një mungesë vullneti për konsultimet në ndryshimet ligjorë dhe Bashkia refuzon transparencën për projektin e TK.

“Nga data 22 që kemi dërguar letrat në ministri dhe bashki, ende nuk kemi marrë asnjë përgjigje zyrtare për kërkesat tona. Të kërkosh transparencë nuk është histeri”, u shpreh Alert Celoaliaj.

Sindikata e Artistëve deklaroi që është për rikonstruktimin, qoftë edhe kthimin në muze, dhe jo shembjen e godinës së Teatrit Kombëtar. Madje propozoi që çdokush mund të kontribuojë për këtë. Duke theksuar që nuk do të tolerojnë aspak ngushtimin e territorit të teatrit. “Nuk thotë që do ndërtohen kulla, nuk thotë që do ndërtojmë teatrin poshtë kullave. Nuk thotë që territori i TK nuk duhet të preket. Po a nuk kemi të drejtë ne si qytetarë të Tiranës të kërkojmë të drejtat për këtë territor të këtij qyteti. Shumë shpejt brenda javës do të lidhim gjithë institucionin e nevojshëm për të hapur një numër llogarie për rikonstruktimin e TK kombëtar dhe për donacione nga gjithë shqiptarët”, tha Arben Derhemi.

Sipas Top Channel, artistët kërkuan edhe rikthimin e qendrës e artit, statusin e artistit, si dhe ruajtjen e autonomisë. “Nuk është argument që të mbyllësh një institucion, sepse ka punuar keq drejtori. Siç nuk është produktive që nga 30 milion lekë që ka qenë fondi i qendrës në dispozicion të projekteve private, sot të katandisemi në 10 milionë lekë. Nuk është decentralizim siç pretendon ministrja ky ligj, por është centralizim i skajshëm”, u shpreh Kastriot Cipi.

Ne mbështetje te artisteve ishin përfaqësues të Shoqërisë Civile por edhe deputetet e opozitës nga PD dhe LSI.

Të fundit