Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Asnjë fjalë për Llallën, Presidenca zbardh takimin Meta-Lu: Diskutuan për integrimin dhe reformën në drejtësi; fryma ishte e përzemërt dhe miqësore

Politiko 12 Prill 2018, 13:35
Asnjë fjalë për Llallën, Presidenca zbardh takimin Meta-Lu:

Presidenca ka zbardhur takimin e zhvilluar sot në mesditë midis presidentit Ilir Meta dhe ambasadorit amerikan, Donald Lu. Ky takim u zhvillua një ditë pas publikimit të letrës që ish-kryeprokurori Adriatik Llalla i ka dërguar Kongresit Amerikan dhe ku pretendon se ambasadori Lu i ka kërkuar arrestimin e presidentit Meta.

Por, sipas deklaratës drejtorit të kabinetit të Presidentit, Arben Cici, Meta dhe Lu nuk kanë diskutuar për këto pretendime të Llallës. Në deklaratë thuhet se dy zyrtarët kanë diskutuar mbi çështjet aktuale të sigurisë rajonle dhe ndërkombëtare, ndërkohë që fryma në takim ka qenë e përzemërt, miqësore dhe bashkëpunuese, si gjithmonë.

Reagimi i Presidencës:

“Presidenti i Republikës, Sh.T.Z. Ilir Meta priti sot në një takim Ambasadorin e SHBA-së në Shqipëri Sh.T.Z. Donald LU me të cilin diskutuan mbi marrëdhëniet e shkëlqyera mes dy vendeve tona dhe mbi çështjet aktuale të sigurisë rajonale dhe ndërkombëtare.

Në kuadër të integrimit evropian të Shqipërisë, çështjes së rëndësishme të hapjes së negociatave u nënvizua rëndësia e ecurisë dhe implementimit të reformës në drejtësi dhe u shkëmbyen mendime rreth situatës aktuale në vend.

Fryma e përzemërt, miqësore dhe bashkëpunuese karakterizoi, ashtu si gjithmonë, këtë takim”.

Të fundit