Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Asnjë fjalë për Tërmetin e Enverit, Pandeli Majko gjen kohë të kritikojë opozitën: Jeni aty nga padija për të kënduar një këngë tuajën

Politiko 17 Shtator 2018, 19:41
Asnjë fjalë për Tërmetin e Enverit, Pandeli Majko gjen

Ministri i Diasporës, Pandeli Majko ka kritikuar anëtarët e opozitës që kanë protestuar sot pse në ambientet e një shkolle është dëgjuar kënga e partizanit të vogël Velo. Majko thotë se reagimi i opozitës është për të qeshur dhe për të ardhur keq.

Ai thotë se komunizmin në Shqipëri nuk e sollën partizanët 14 vjeçar dhe se shumë partizanë janë burgosur gjatë atij sistemi.

“E djathta sot është në opozitë jo nga kënga që ju këndojnë kundërshtarët por nga padija për të kënduar një këngë të vetën”, deklaron Majko.

Por ndonëse gjeti kohë për të kritikuar opozitën për partizanin Velo, ministri Majko nuk ka bërë asnjë deklaratë për kryebashkiakun e Tepelenës, Tërmet Peçi, i cili publikoi një video ku këndonte për diktatorin Enver Hoxha. Fakti që një kryebashkiak i partisë së tij përpiqet të pastrojë imazhin e diktatorit famëkeq nuk i ka bërë përshtypje Pandeli Majkos.

Reagimi i plotë i ministrit Majko:

Opozita sot ka protestuar pse është dëgjuar në ambjentet e një shkolle "kënga e partizanit të vogël Velo"… Kjo është për të qeshur dhe për të ardhur keq.

Cfarë të keqe paska kjo këngë dhe kë fyen ajo?!

Para pak kohësh, qeveria shqiptare mori vendimin për të rikthyer në atdhe të eshtrave të Mithat Frashërit. Asnjë veteran apo familje të lidhura me Luftën nuk protestoi. Pasardhësin e Frashëllinjve megjithë ndarjet dhe kundërshtitë që vijnë nga historia e para 1944-ës si ish-kreu i Ballit Kombëtar ata e respektuan si njerëz dhe si shqiptarë dinjitozë.

Opozita heshti për këtë vendim. Ajo merret sot me faktin pse këndohet kënga për një partizan që mori armët në moshë të re kundër okupatorit të vendit. "Këshillat e lagjeve" të dikurshme në kohën e komunizmit të shikonin me kë rrije, si i mbaje flokët dhe cfarë kënge këndoje…

Bravo i qoftë asaj shkolle që ka vënë këngë partizane për ditën e parë të shkollës. Ajo është kënga e atyre që rrëmbyen armët kur atdheun ja u pushtuan të huajt. Ky quhet patriotizëm jo komunizëm. Komunizmin nuk ja u sollën partizanët 14 vjecar. Shikoni sa ish-partizanë janë burgosur gjatë komunizmit dhe pastaj protestoni.

E djathta sot është në opozitë jo nga kënga që ju këndojnë kundërshtarët por nga padija për të kënduar një këngë të vetën… Sigurisht.

Të fundit