Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Atentati me armë dhe tritol në Kamzë, policia gjen të djegur një ‘Fuoristradë’: Dyshohet se u përket autorëve

Politiko 14 Gusht 2018, 08:59
Atentati me armë dhe tritol në Kamzë, policia gjen të djegur

Është gjetur i djegur një automjet tip ‘Fuoristradë’ në Fushë Krujë. Sipas policisë, ka dyshime të forta se mjeti u përket autorëve që qëlluan në mesnatë me breshëri plumbash drejt lokalit dhe banesës së shtetasit Sh. Halili në Kamzë.

Brenda mjetit janë gjetur edhe dy kallashnikovë, të cilët janë djegur bashkë me mjetin me qëllim që autorët të fshehin provat.

Ngjarja

Një lokal dhe një biznes janë qëlluar me breshëri plumbash gjatë natës dhe vetëm pak minuta më vonë ka ndodhur një shpërthim eksplozivi.

Ngjarja është shënuar në lokalin ‘Kaslin’ dhe drejt banesës që ndodhet në të njëjtën biznes.

Fatmirësisht, nga plumbat dhe shpërthimi i shënuar rreth orës 02.00 pas mesnate ka patur vetëm dëme materiale dhe disa automjete të dëmtuara, të cilat ishin parkuar pranë lokalit.

Sipas të njëjtave burime, në banesë ndodhej e gjithë familja Halili, përfshirë edhe fëmijë. Policia ka sekuestruar pamjet e sigurisë, përmes së cilave do të identifikojë edhe autorët.

Policia

“Më datë 14.08.2018, rreth orës 02:07, në rrugën “Bulevardi Blu”, në Kamëz, në oborrin e banesës së shtetasit Sh. H., është hedhur një sasi lënde plasëse e cila ka shpërthyer duke shkaktuar vetëm dëme materiale në dy mjetet e parkuara në oborrin e banesës. Gjithashtu autorët kanë qëlluar me armë zjarri në drejtim të banesës. Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorit/ve”, sqaron policia paraprakisht.

E gjithë ngjarja ka ndodhur rreth 500 metra poshtë Bashkisë Kamëz.

 

Të fundit