Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Atentati me tre të plagosur në Shkodër, gjendet një armë dhe një makinë e braktisur

Politiko 15 Korrik 2017, 12:14
Atentati me tre të plagosur në Shkodër, gjendet një

Tre persona kanë mbetur të plagosur pas atentatit të organizuar në qendër të qytetit të Shkodrës, pranë ish-5 Heronjve.

Raportohet se objektiv ka qenë një prej të plagosurve, ndërsa dy të tjerët ishin kalimtarë. Autorët kanë qëlluar me gjashtë plumba nga një makinë jeshile në drejtim të nje djali, i cili sapo kishte takuar një vajzë. Nga të shtënat janë plagosur djali dhe vajza dhe një person i tretë. Ata janë identifikuar si Elona Çurku, Doni Lisi dhe Enrik Prenushi.

Pas disa orësh, policia ka gjetur në fshatin Zogaj, në kufi me Malin e Zi, një makinë të braktisur të tipit 'Daewoo' me targë AA440NC, që dyshohet se është përdorur nga autorët. Ndërkohë, në Shirokë është gjetur një pistolete, për të cilën policia dyshon se është përdorur nga autorët.

Njoftimi i policisë:

Me datë 15.07.2017, rreth orës 13;00, kemi marr njoftim se ka të shtëna me armë, perballë Teatrit Migjeni.

Menjëherë shërbimet e Policisë kanë shkuar në vendngjarje ku dhe kanë konstatuar se janë plagosur me armë zjarri shtetasit:

  1. L. 32 vjeç, i cili ndodhet në gjëndje të rëndë për jetën dhe dyshohet të ketë qenë edhe objekti i këtij sulmi.

  2. T. 25 vjeçe jashtë rrezikut për jetën, E. P. 59 vjeç, jashtë rrezikut për jetën të cilët kanë qënë kalimtare te rastit.

Autori/ët janë larguar me shpejtësi me një automjet në drejtim të Shirokës.

Nga policia e Shkodrës eshte bere e mundur gjetja e armes se zjarrit dhe automjeti i autorit/eve.

Janë ngritur pika te shumta kontrolli dhe po behet krehja e zones per identifikimin dhe kapjen e autorit/ve dhe sqarimin e rrethanave te ngjarjes.

Po bashkëpunohet me Policinë Kufitare pasi dyshohet se autori/ët mund të largohen në drejtim të Malit të Zi.

Të fundit