Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Audiencat TV/ Rivaliteti për lajmet e mbrëmjes: Top Channel sundon. Vizion Plus i dyti, por në një fashë orare pa konkurencë

Politiko 7 Shkurt 2018, 19:32

Politiko.al sjell edhe sonte matjet e audiencës të kryera nga Abacus Research për atë fashë orare që konsiderohet 'prime time', mes orëve 19.00 dhe 23.00. Edicionet e lajmeve, në një natë pa përplasje të mëdha në fashat e talk shoë-t politik, ia vlen të krahasohen.

Sipas matjeve të Abacus Top Chanel ruan supremacinë në raport me rivalët, duke shënuar një shikueshmëri të lartë për lajmet e orës 19.30 me mbi 245 mijë shikues ose mbi 10 përqind të audiencës televizive të asaj dritareje kohore. Rivali i drejtpërdrejtë, Klan, në të njëjtën orë dhe për të njëjtin produkt edicionin e lajmeve, arrin pak mbi 90 mijë shikues dhe 3.83 përqind të audiencës televizive.

'Vizion Plus' ka një shikueshmëri më të mirë, me thuasje 123 mijë ndjekës dhe 5.22 përqind të audiencës, por me një 'kleçkë'. Lajmet e Vizion Plus transmetohen në orën 19.00, të pa konkuruara nga Top Channel dhe Klan.

Televizoni shqiptar ruan traditën e orës 20.00 për lajmet apo 'revistën televizive të mbrëmjes' dhe ka një audiencë të mpakur duke shënuar 36. 2 mijë shikues dhe 1.54 përqind të audiencës.

Pak fjalë për Abacus dhe metodologjinë e matjes së të dhënave të audiencës

Prej qershorit 2011, kompania Abacus Research ofron shërbimin e matjes elektronike dhe të vazhdueshme të shikueshmërisë së televizioneve në Shqipëri, ose të ashtuquajturat të dhënat ‘ratings’ bazuar në metodologjinë e regjistrimit automatik të sintonizimit në sinjalin televiziv nëpërmjet pajisjeve të posaçme të tipit set-top-box TV-meter falë zhvillimeve të fundit në teknologjitë e audio-recognition, video-matching dhe EPG-signal-embedded data. Këto aparate matëse instalohen në pajisjet televizive të banesave të një kampioni statistikor familjesh që përdorin TV-në të përzgjedhura për të qenë përfaqësuese të popullsisë shqiptare, duke ofruar kështu, bazën e informacionit për të dhënat e shikueshmërisë për të gjitha platformat e shpërndarjes së përbmatjes video: analog tokësor, analog satelitor, analog kabllor; digital kabllor, IPTV, pay digital kabllor dhe free digital kabllor. Pas përzgjedhjes së këtij kampioni, secila prej këtyre familjeve të kampionit monitorohet në vazhdimësi nëpërmjet një pajisje moderne dhe të sofistikuar matjeje televizive, të tipit Passive-People-Meter.

Shërbimi TAM (Television Audience Measurement) i Matjes së Shikueshmërisë së Televizionit i ofruar përherë të parë nga Abacus Research si një sistem i pavarur matjeje nga një palë e tretë falë adoptimit të standardeve më të larta të saktësisë dhe integritetit, është aktualisht i vetmi në treg që ofron vlerësimin e madhësisë dhe karakteristikat demografike të stacioneve televizive në tregun shqiptar, dhe i raporton këto të dhëna, si dhe informacione të tjera që lidhen me to, te partnerët e vet, të cilët e përdorin këtë lloj informacioni për transaksionet e reklamës në tregun televiziv.

Me një kampion aktual (Nëntor 2017) prej 1,008 familjesh, që përfaqësojnë një univers prej 2,353,634 të popullsisë 12+ vjeç, shërbimi ofron të dhëna të posaçme të matjes së audiencës për grupe të veçanta me përbërje demografike sipas gjinisë, moshës/grupmoshës, rajonit, vendodhjes rurale apo urbane, arsimit, gjendjes civile, profesionit, punësimit dhe të ardhurave.

Politiko.al